ពិធីការនីដ៍ស្រស់ស្អាតមួយរូប គឺកញ្ញា Diletta Leotta វ័យ៣១ឆ្នាំ ជនជាតិអ៊ីតាលី កម្ពស់ ១.៧៨ម៉ែត្រ សព្វថ្ងៃជាអ្នកអត្ថាធិប្បាយកីឡាបាល់ទាត់ប្រចាំក្របខណ្ឌ Serie A លីគកំពូលរបស់ប្រទេសអ៊ីតាលី និងជាតារាម៉ូដែលតាមអ៊ីនធឺណិត។
ពោលគឺកញ្ញា Diletta Leotta បានសន្យាថាប្រសិនបើក្រុមអ្នកមានបុណ្យ FC Barcelona អាចយកឈ្នះក្រុម FC Bayern Munich ចំនួន៣គ្រាប់ នាងនឹងដើរស្រាតនៅកីឡដ្ឋាន Spotify Camp Nou។
ក្រុមបាល់ទាត់ Bayern Munich នឹងត្រូវបើកទ្វាកីឡដ្ឋាន Allianz Arena ក្នុងទីក្រុង Munich ប្រទេសអាល្លឺម៉ង របស់ខ្លួនទទួលក្រុម Barcelona របស់ប្រទេសអេស្ប៉ាញ ក្នុងវគ្គជម្រុះពូល C នៃពានរង្វាន់ជើងឯកទ្វីបអឺរ៉ុប 2022–23 UEFA Champions League នៅវេលាម៉ោង២រំលងអាធ្រាត្រយប់ថ្ងៃអង្គារ ឈានចូលព្រឹកថ្ងៃពុធ ទី១៤ ខែកញ្ញា ឆ្នាំ២០២២។
គួរដឹងថា FC Barcelona រដូវកាលនេះ ខុសពីរដូវកាលមុនដោយសារតែ៖
– Robert Lewandowski ផ្ទេរពីក្លិប FC Bayern Munich ក្នុងតម្លៃខ្លួន ៤២,៥ លានផោន
– Raphinha ផ្ទេរពីក្លិប Leeds United ក្នុងតម្លៃខ្លួន៥៥ លានផោន
– Jules Kounde ផ្ទេរពីក្លិប Sevilla ក្នុងតម្លៃខ្លួន ៥៥ លានអឺរ៉ូ
– Andreas Christensen ផ្ទេរពីក្លិប Chelsea ដោយគ្មានតម្លៃខ្លួន
– Frank Kassie ផ្ទេរពីក្លិប A.C. Milan ដោយគ្មានតម្លៃខ្លួន
– Marcos Alonso ផ្ទេរពីក្លិប Chelsea ២៥ លានអឺរ៉ូ
– Héctor Bellarín ផ្ទេរពីក្លិប Arsenal ដោយគ្មានតម្លៃខ្លួន។
បច្ចុប្បន្នក្លិបអ្នកមានបុណ្យ FC Barcelona ក្រោមការដឹកនាំរបស់លោក Xavi បានតាមស្មើកំណត់ត្រារបស់លោក Zidane កាលពីឆ្នាំ ២០១៦ ដោយលេង ១៧ ប្រកួតដីមិនចាញ់សោះ៕