ក្រុមជម្រើសជាតិកម្ពុជា យុវជនក្រោមអាយុ២០ឆ្នាំ (U20) នឹងត្រូវតទល់ជាមួយសិង្ហបុរី នាជំនួបសន្សំពិន្ទុ ពូល I នៃពានរង្វាន់បាល់ទាត់ AFC Asian Cup នៅវេលាម៉ោង៥ល្ងាច (ម៉ោង៧យប់នៅកម្ពុជា) ថ្ងៃទី១៦ ខែកញ្ញា នៅកីឡដ្ឋាន Pamir Stadium ក្រុង Dushanbe ប្រទេសតាហ្ស៊ីគីស្ថាន។
៧៧ថ្ងៃមុន ពោលគឺក្នុងវគ្គជម្រុះតាមពូលពានរង្វាន់ជើងឯកប្រចាំតំបន់អាស៊ាន 2022 AFF U-19 Youth Championship នៅលើទីលានពហុកីឡដ្ឋានជាតិមរតតេជោ ក្រុមកម្ពុជា ធ្លាប់បានយកឈ្នះលើក្រុមសិង្ហបុរី ម្តងហើយដោយលទ្ធផល ១ទល់០ រកគ្រាប់បាល់បានដោយកីឡាករ សុវណ្ណ ដូណា។
ចំណែកលទ្ធផលប្រកួតបើកឆាកកន្លងមកក្នុងវគ្គជម្រុះពូល I នេះវិញ៖
*១៤ កញ្ញា ២០២២៖
-កម្ពុជា ០-១ លីបង់
-តាជីគីស្ថាន ០-០ សិង្ហបុរី
*១៦ កញ្ញា ២០២២៖
-ម៉ោង៧យប់ កម្ពុជា Vs សិង្ហបុរី
-ម៉ោង១០យប់តាជីគីស្ថាន Vs លីបង់
*១៨ កញ្ញា ២០២២៖
-ម៉ោង៧យប់ លីបង់ Vs សិង្ហបុរី
-ម៉ោង១០យប់ តាជីគីស្ថាន ប៉ះ កម្ពុជា។
ខាងក្រោមនេះគឺជាតារាងចំណាត់ថ្នាក់ពូល I បណ្តោះអាសន្ន៖
1. លីបង់ ឆ្លងកាត់១ប្រកួត ឈ្នះ១ ៣ពិន្ទុពេញ
2. តាជីគីស្ថាន ឆ្លងកាត់១ប្រកួត ស្មើ១ ១ពិន្ទុ
3. សិង្ហបុរី ឆ្លងកាត់១ប្រកួត ស្មើ១ ១ពិន្ទុ
4. កម្ពុជា ឆ្លងកាត់១ប្រកួត ចាញ់១ មានសូន្យពិន្ទុ៕