ក្នុងវ័យ៤១ឆ្នាំបុរសជនជាតិស្វីស Roger Federer អ្នកវាយកូនបាល់ដ៏ឆ្នើមប្រចាំពិភពលោក បានប្រកាសចូលនិវត្តន៍នៅលើបណ្តាញសង្គមរបស់ខ្លួន បន្ទាប់ពីចំណាយពេល២៤ឆ្នាំលើទីលានប្រកួត ព្រមទាំងដណ្តើមជើងឯកផ្នែកឯកត្តជនរហូតដល់ទី១០៣ លើកម្នាក់ឯងនិងវាយគូឈ្នះបាន៨លើក។
— Roger Federer (@rogerfederer) September 15, 2022
ទិន្នន័យមុនចូលនិវត្តន៍របស់អត្តពលិកដែលចេះនិយាយ៩ភាសារូបនេះមានដូចជា៖
*ប្រកួតឯកត្តជន
-Grand Slam tournaments ឈ្នះ២០លើក ចាញ់១១លើក សរុប៣១លើក
-Olympic Games ឈ្នះ ០លើក ចាញ់១លើក សរុប១លើក
-Year-end championships ឈ្នះ៦លើក ចាញ់៤លើក សរុប១០លើក
-ATP Masters 1000 ឈ្នះ២៨លើក ចាញ់២២លើក សរុប៥០លើក
-ATP Tour 500 ឈ្នះ២៤ ចាញ់៧ សរុប៣១លើក
-ATP Tour 250 ឈ្នះ២៥ ចាញ់៧ សរុប៣៤លើក
-សរុប ឈ្នះ១០៣លើក ចាញ់៥៤លើក សរុប១៥៧លើក
វាយគូ៖
-Olympic Games ឈ្នះ១លើក ចាញ់០លើក សរុប១លើក
-ATP Masters 1000 ឈ្នះ១លើក ចាញ់២លើក សរុប៣លើក
-ATP Tour 500 ឈ្នះ៣លើក ចាញ់១លើក សរុប៤លើក
-ATP Tour 250 ឈ្នះ៣លើក ចាញ់៣លើក សរុប៦លើក
-សរុប ឈ្នះ៨លើក ចាញ់៦លើក សរុប១៤លើក
សរុបទាំង២វិញ្ញាសា៖ ឈ្នះ១១១ លើក ចាញ់៦០លើក សរុប១៧១ លើក
កីឡាករ Roger Federer បានអវត្តមានពីការប្រកួត Wimbledon នៅឆ្នាំ២០២១ ដោយសារតែបញ្ហរបួសជង្គង់ ហើយធ្លាក់ចេញពីបញ្ជីចំណាត់ថ្នាក់៥០ពិភពលោក នៅខែមិថុនា ឆ្នាំ២០២២ ហើយនេះជាការនៅក្រៅចំណាត់ថ្នាក់កម្រិតខ្ពស់ជាលើកដំបូងរបស់គេគិតចាប់តាំងពីប្រកបជាកីឡាករអាជីពក្នុងឆ្នាំ១៩៩៨ មក។
To my tennis family and beyond,
— Roger Federer (@rogerfederer) September 15, 2022
With Love,
Roger pic.twitter.com/1UISwK1NIN
នៅរាត្រីថ្ងៃព្រហស្បតិ៍ ទី១៥ខែកញ្ញា ឆ្នាំ២០២២ Roger Federer បានប្រាប់អ្នកគាំទ្រថាខ្លួនសម្រេចចិត្តចូលនិវត្តន៍ពីកីឡាករអាជីពហើយ។ «ខ្ញុំនៅលេងកីឡាវាយកូនបាល់ទៀតនៅថ្ងៃខាងមុខ។ ពិតហើយ តែការប្រកួតនោះមិនមែនជាលក្ខណៈអាជីពដូចជា Grand Slams ណាមួយនោះទេ»។
នេះជាការចាកចេញពីបញ្ជី Big Three ជាមួយតារាឆ្នើមដូចជា Rafael Nadal របស់អេស្ប៉ាញ និង Novak Djokovic សែប៊ី ខណៈកីឡាករដែលមានម្តាយជាជនជាតិអាហ្វ្រិកខាងត្បូង រូបនេះធ្លាប់ឈរចំណាត់ថ្នាក់លេខ១ពិភពលោរហូតដល់ទៅ៣១០សប្ដាហ៍ម្នាក់ឯង ព្រមទាំងឈរលេខ១ពិភពលោក៥ឆ្នាំម្នាក់ឯង គឺនៅឆ្នាំ២០០៤,២០០៥,២០០៦,២០០៧និង២០០៩ ផងដែរ៕
