លោក Mikel Arteta គ្រូបង្វឹកជនជាតិអេស្ប៉ាញរបស់ក្លិបបាល់ទាត់ Arsenal ឈ្នះពានរង្វាន់អ្នកចាត់ការឆ្នើមប្រចាំខែសីហា ប្រចាំក្របខណ្ឌ Premier League 2022-23។
ក្រោមការដឹកនាំរបស់លោក Arteta នៅខែសីហា បានជួយឲ្យក្លិបកាំភ្លើងធំ Arsenal ឈ្នះទាំង៥ប្រកួតជាប់លើ Crystal Palace, Leicester City, Bournemouth, Fulham, និង Aston Villa ស៊ុតបាន១៣គ្រាប់ និង របូតតែ៤គ្រាប់ប៉ុណ្ណោះ ដែលធ្វើអោយក្លិបកាំភ្លើងធំឈរនៅលំដាប់ទី១ ក្នុងតារាងប្រកួត Premier League មុនពេលចាញ់ Man United នៅសប្តាហ៍ទី៦ ក្នុងលទ្ធផល ៣-១។
ខណ:ខ្សែប្រយុទ្ធវ័យក្មេង Erling Haaland របស់ក្លិបបាល់ទាត់ Man City ឈ្នះពានកីឡាករឆ្នើមប្រចាំខែសីហា នៅក្របខណ្ឌកំពូលអង់គ្លេស Premier League។ នេះគឺជាលើកដំបូងគេឈ្នះពានរង្វាន់១នេះ លេង៦ប្រកួត និងស៊ុតបញ្ចូលទីរហូតដល់៩គ្រាប់ ក្នុងនោះគេស៊ុត Hat-Trick ចំនួន២ដង ក្នុងការ២ប្រកួតជាប់ៗគ្នា។
ចំណែកឯខ្សែបម្រើស្លាប Allan Saint-Maximin របស់ក្លិបបាល់ទាត់ Newcastle United ឈ្នះពានម្ចាស់គ្រាប់បាល់ល្អបំផុត Premier League ប្រចាំខែសីហា បន្ទាប់ពីស៊ុត១គ្រាប់យ៉ាងស្អាតទល់នឹង Wolves នៅនាទី៩០ តាមស្មើ ១-១។
