ពានរង្វាន់លីគកំពូលកម្ពុជា Cambodian Premier League 2022 ប្រកួតបាន៨០ប្រកួតហើយ ពោលគឺបញ្ចប់សប្ដាហ៍ទី២០ ក្នុងចំណោម២១សប្ដាហ៍ នៃការប្រកួតវិលជុំសន្សំពិន្ទុរបស់ក្រុមជាសមាជិកទាំង៨ក្រុម។ ប៉ុន្តែអ្វីដែលគួរឱ្យកត់សម្គាល់នោះ មានកីឡាករ៤១នាក់ហើយ ដែលឈ្នះងារ Man Of The Match (MOTM) ក្រោយចប់ការប្រកួតនីមួយៗ ខណៈក្នុងនោះមានអ្នកចាំទី២ នាក់ដែលអាចដណ្តើមបានងារមួយនេះ។
អ្នកចាំទីដំបូងគេដែលឈ្នះ MOTM គឺកីឡាករ ស៊ូ យ៉ាទី ដែលជាអ្នកចាំទីដៃទី១ របស់ក្រុមណាហ្គាវើល ពេលជួយក្រុមខ្លួនប្រកួតស្មើគ្នា ០ទល់០ ជាមួយក្រុមបឹងកេត ក្នុងសប្ដាហ៍ទី១៥ កន្លងទៅ លើទីលានកីឡដ្ឋាន Smart RSN។
ចំណែកអ្នកចាំទីទី២ ជាកីឡាករ កែវ សុខសិលា របស់វិសាខា ដែលឈ្នះ MOTM ថ្មីនេះបន្ទាប់ពីជួយក្រុមខ្លួនឈ្នះម្ចាស់ផ្ទះ Tiffy Army FC ដោយលទ្ធផល២-១ ប្រចាំសប្តាហ៍ទី២០ លើទីលានកីឡដ្ឋាន ខ.ភ.ម។
ក្រឡេកមើលកីឡាករដែលឈ្នះងារ MOTM ច្រើនលើកជាងគេ គិតត្រឹមពេលនេះ គឺអតីតខ្សែប្រយុទ្ធជម្រើសជាតិកាណាដា Marcus Haber របស់ព្រះខ័នរាជស្វាយរៀង ដោយឈ្នះបានរហូតដល់ទី៦ ដង ក្នុងនោះនៅសប្ដាហ៍ទី៤, ៦, ១០, ១២,១៣,១៤ និង១៧៕
