ជនសង្ស័យ៣នាក់ ដោយមានម៉ូតូ សណ្ដោងរ៉ឺម៉កមួយគ្រឿង បានជាប់ពាក់ព័ន្ធនឹងបទល្មើសលួចគាស់ផ្ទះ មានស្ថានទម្ងន់ទោស នៅចំនុចភូមិ ព្រែកអង្គុញ ឃុំ សៀមរាប ស្រុកកណ្តាលស្ទឹង ខេត្តកណ្តាល កាលពីថ្ងៃទី ០៩ ខែមិថុនា ២០២១ វេលាម៉ោង ០២:៣០នាទី។ ប៉ុន្ដែយ៉ាងណាក៏ដោយ ហេតុការណ៍គាស់ផ្ទះខាងលើនេះ មិនបានធ្វើឲ្យម្ចាស់ផ្ទះបាត់បង់ទ្រព្យសម្បត្តិនោះឡើយ ព្រោះតែអ្នកជិតខាងដឹងទាន់ ហើយរាយការណ៍ជូនសមត្ថកិច្ច។ នេះបើតាមការឲ្យដឹងពីសមត្ថកិច្ច ស្រុកកណ្ដាលស្ទឹង ខេត្តកណ្ដាល។
ប្រភពដដែលបានរៀបរាប់ថា ជនសង្ស័យ៣នាក់ បានជិះម៉ូតូសណ្ដោងរ៉ឺម៉កមួយគ្រឿង បើកបរដោយឈ្មោះ តឹង ហើយឈ្មោះ សុខ វណ្ណដា និងឈ្មោះ សំ បញ្ញា ជាអ្នកជិះរម៉កខាងក្រោយ ដោយដាក់កន្ដ្រៃកាត់ដែកនៅបាតរ៉ឺម៉ក ចេញពីគំនរសំរាម ស្ទឹងមានជ័យ ដើម្បីរើសអេតចាយតាមបណ្ដោយផ្លូវចំការដូង រហូតដល់រង្វង់មូលគួរស្រូវហួសមកផ្លូវជាតិលេខ២ និងបានចុះរើសអេតចាយតាមផ្លូវរហូតហួសកន្លែងកើតហេតុទៅមុខឆ្ងាយទើបត្រឡប់មកវិញ។
សមត្ថកិច្ច បានឲ្យដឹងបន្ថែមទៀតថា ពេលមកដល់កន្លែងកេីតហេតុដោយមានសភាពស្ងាត់ ឈ្មោះ តឹង ដែលជាអ្នកបេីកម៉ូតូសណ្តោងរម៉កបានឈប់ ហេីយប្រាប់ជនសង្ស័យពីរនាក់ខាងក្រោយថា “ផ្ទះនេះគ្មានមនុស្សនៅទេគេចាក់សោរខាងក្រៅ” ហេីយឈ្មោះតឹងបានដេីរចូលទៅមេីល រួចត្រឡប់មករម៉កវិញយកកន្រៃ្តពីបាតរម៉តទៅកាត់សោរជាមួយជនសង្ស័យម្នាក់ទៀតឈ្មោះ សុខ វណ្ណដា ដោយឡែកឈ្មោះ សំ បញ្ញា អង្គុយចាំនៅលេីរម៉កដេីម្បីចាំមេីលផ្លូវ ពេលកំពុងធ្វើសកម្មភាពកាត់សោរ ស្រាប់តែមានអ្នកជិតខាងរស់នៅក្បែរផ្ទះកេីតហេតុបានលឺសំលេងទ្វារគ្រាំងៗ ក៏មេីលតាមបង្អួចពីលេីផ្ទះឃេីញជនសង្ស័យកំពុងធ្វើសកម្មភាព ក៏ទូរស័ព្ទរាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាលឃុំ សៀមរាប ពេលទទួលបាន ព័ត៌មានភ្លាមកម្លាំងប៉ុស្តិ៍នគរបាលរដ្ឋបាលឃុំសៀមរាបបានមកដល់កន្លែងកេីតហេតុ តែត្រូវជនសង្ស័យបេីករម៉ករត់គេខ្លួនតាមបណ្តោយផ្លូវជាតិលេខ២ទៅទិសខាងជើង រួចបានដេញតាមពីក្រោយឃាត់ខ្លួនជនសង្ស័យពីរនាក់ រួមទាំងវត្ថុតាងនៅចំនុចមុខស្ថានីយប្រេង ឥន្ធនៈ តេលា ស្ថិតនៅក្នុងភូមិ បុណ្ណា ឃុំព្រះពុទ្ធ ស្រុកកណ្តាលស្ទឹង ចំណែកជនសង្ស័យម្នាក់ទៀតបេីករម៉កគេចខ្លួនបាត់ រួចបានបញ្ជូនជនសង្ស័យមកកាន់អធិការដ្ឋាននគរបាលស្រុកកណ្តាលស្ទឹងដេីម្បីបន្តនិតិវិធីច្បាប់។
សូមរំលឹកពីអត្តសញ្ញាញ ជនសង្ស័យទាំង៣រូប គឺមានដូចខាងក្រោម៖
- ១ ឈ្មោះ សំ បញ្ញា ភេទប្រុស អាយុ ២៣ឆ្នាំ មានទីលំនៅគំនរសំរាមភូមិ ព្រែកទាល សង្កាត់ ស្ទឹងមានជ័យទី២ ខណ្ឌ មានជ័យ រាជធានីភ្នំពេញ។ (ឃាត់ខ្លួន)
- ២ សុខ វណ្ណដា ភេទប្រុស អាយុ ៣២ឆ្នាំ មានទីលំនៅគំនរសំរាមភូមិ ព្រែកទាល់ សង្កាត់ស្ទឹងមានជ័យទី២ ខណ្ឌ មានជ័យ រាជធានីភ្នំពេញ។ (ឃាត់ខ្លួន)
- ៣ ឈ្មោះ តឹង ភេទ ប្រុស អាយុ២២ឆ្នាំមានទីលំនៅគំនរសំរាមភូមិ ព្រែកទាល់ សង្កាត់ស្ទឹងមានជ័យទី២ ខណ្ឌ មានជ័យ រាជធានីភ្នំពេញ។ (គេចខ្លួន)
ចំពោះវត្ថុតាង ដែលសមត្ថកិច្ចប្រមូលបានមានដូចជា ៖
- កន្រៃ្តកាត់ដែក ចំនួន០១
- សោខ្សៀរ អក្សរ (L) ចំនួន០១
- សម្ភារៈបាត់បង់ (គ្មាន)