ក្លិបបាល់ទាត់ Aston Villa ក្រោមការដឹកនាំបណ្ណោះអាសន្នរបស់លោក Aaron Danks បានយកឈ្នះ Brentford ក្នុងលទ្ធផល ៤-០ នៅកីឡដ្ឋាន Villa Park ពោលគឺ៣ថ្ងៃក្រោយបណ្តេញលោក Steven Gerrard ចេញពីតំណែង។
ម្ចាស់គ្រាប់បាល់ជ័យជម្នះទាំង៤គ្រាប់របស់ Aston Villa រកបានដោយកីឡាករ Danny Ings នៅនាទី ៧’, ១៤’ កីឡាករ Leon Bailey នៅនាទី២’ និងកីឡាករ Ollie Watkins នៅនាទី៥៩’ ក្រោមក្រសែភ្នែកទស្សិនជនចូលទស្សនាផ្ទាល់ ៤១,៦៩៣នាក់។
បច្ចុប្បន្នក្លិបបាល់ទាត់ Aston Villa កំពុងស្ថិតនៅលេខរៀង ១៤ ក្រោយឆ្លងកាត់ ១២ប្រកួត ឈ្នះ៣ ស្មើ៣ និងចាញ់ ៦ប្រកួត មាន១២ពិន្ទុ ខណ:ពេលមានលោក Ruben Amorim និង Mauricio Pochettino អាចនឹងមកជំនួសកៅអីលោក Gerrard៕