បាត់ដំបង៖ នគរបាលបានចុះនាំខ្លួនកូនអកត្តញ្ញូម្នាក់ទៅទទួលទោស ខណ:បានប្រើហិង្សាលើម្តាយបង្កើតបណ្តាលឲ្យរបួសក្បាលធ្ងន់។
នគរបាលខេត្តបាត់ដំបងបានប្រាប់ឲ្យដឹងថា ករណីប្រព្រឹត្តហិង្សាទៅលេីម្តាយបង្កេីតរបស់ខ្លួនបណ្តាលឱ្យរងរបួសខាងលើកម្លាំងនគរបាលមូលដ្ឋានបាននាំចុះនាំខ្លួនជនបង្កនៅថ្ងៃទី ០១ ខែវិច្ឆកា ឆ្នាំ ២០២២ ក្រោយជនបង្ក បង្កហេតុបានមួយថ្ងៃ ដោយប្រព្រឹត្តនៅត្រង់ចំណុចក្រុមទី ០៤ ក្នុងភូមិគារ៣ ឃុំគារ ស្រុកមោងឫស្សី ខេត្តបាត់ដំបង។
ជនសង័្សយឈ្មោះហ៊ុំ រិទ្ធី ភេទប្រុស អាយុ២៧ឆ្នាំ បបានធ្វេីសកម្មភាពយកដុំឥដ្ឋវាយទៅលេីជនរងគ្រោះត្រូវជាម្ដាយបង្កើតមានឈ្មោះបឿន គឿន ភេទស្រី អាយុ ៦៧ឆ្នាំ មានទីលំនៅចំណុចកើតហេតុ បណ្ដាលឱ្យត្រូវចំក្បាលចំហៀងខាងឆ្វេង រងរបួសធ្ងន់ធ្ងរ។
ជនសង័្សយបានឆ្លេីយសារភាពថា រូបគេពិតជាបានយកដុំឥដ្ឋវាយទៅលេីម្តាយបង្កេីតរបស់ខ្លួនប្រាកដមែនដោយសារសុំប្រាក់ម្តាយមិនបាន។ បច្ចុប្បន្នសមត្ថកិច្ចបានរៀបចំសំណុំរឿងបញ្ជូនមកការិយាល័យំនាញអនុវត្តបន្តតាមនីតិវិធី៕
អត្ថបទ៖ ដំបងក្រញូង
