សមាជិករបស់ក្រុមបាល់ទាត់អង្គរថាយហ្គឺរ នៅលីគកំពូលកម្ពុជា Cambodian Premier League 2022 កីឡាករ Mouzinho Barreto de Lima នឹងដើរតួជាប្រធានទីម័រខាងកើត តតាំងម្ចាស់ផ្ទះប្រ៊ុយណេ វគ្គជម្រុះ AFF Mitsubishi Electric Cup 2022 ជើងទី១។
ចំពោះជំនួបរវាងក្រុមជម្រើសជាតិប្រ៊ុយណេ ទល់នឹង ទីម័រខាងកើត នៅកីឡដ្ឋាន Hassanal Bolkiah ទីក្រុង Bandar Seri Begawan ប្រទេសប្រ៊ុយណេ នៅថ្ងៃទី៥ ខែវិច្ឆិកា ឆ្នាំ២០២២ វេលាម៉ោង ៣:៤៥នាទីរសៀល។
ខណ:ជើងទី២ នឹងធ្វើនៅថ្ងៃទី៨ ខែវិច្ឆិកា ឆ្នាំ២០២២ ហើយដែលឈ្នះ នឹងឡើងទៅកាន់ពូល A ដែលមានកម្ពុជា, ថៃ, ឥណ្ឌូណេស៊ី និងហ្វីលីពីន កំពុងរង់ចាំ។
សម្រាប់ពានរង្វាន់ជើងឯកបាល់ទាត់បុរសប្រចាំតំបន់អាស៊ាន AFF Mitsubishi Electric Cup 2022 ដែលគ្រោងនឹងចាប់ផ្តើមពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៦ ខែមករា ឆ្នាំ២០២៣ ខាងមុននេះ។
ពានរង្វាន់ជើងឯកបាល់ទាត់បុរសប្រចាំតំបន់អាស៊ាន បង្កើតឡើងដំបូងតាំងពីឆ្នាំ ១៩៩៦ មកម៉្លេះ ដោយប្រកួតរាល់២ឆ្នាំម្តង ស្របពេលដំបូងឡើយប្រើឈ្មោះជា AFF Tiger Cup រហូតដល់ឆ្នាំ២០០៤ ក៏ប្តួរឈ្មោះទៅជា AFF Suzuki Cup វិញម្តង និងចុងក្រោយចាប់ពីឆ្នាំ២០២២ តទៅប្រើឈ្មោះជាAFF Mitsubishi Electric Cup វិញម្តង៕