តារាចម្រៀង សុគន្ធ និសា បានចាកចេញទៅសហរដ្ឋអាមេរិក ជាមួយស្វាមីមួយរយៈធំក្រោយពីបានជាពីជំងឺ កូវីដ -១៩ យ៉ាងណាមិញអ្នកនាងទើបតែវិលត្រលប់មកដល់ប្រទេសកម្ពុជាវិញកាលពីពេលថ្មីៗនេះ។ ការវិលត្រលប់របស់អាយដលរូបនេះបានធ្វើឱ្យមហាជននិងអ្នកគាំទ្ររំភើបយ៉ាងក្រៃលែង ជាពិសេស Status ដែលអ្នកនាងបង្ហោះ កាលពីថ្ងៃព្រហស្បតិ៍ (១០ មិថុនា ២០២១) បានធ្វើឱ្យអ្នកគាំទ្រកាន់តែរីករាយថែមទៀត។
សូមចុចអាន៖ តារាចម្រៀង ពេជ្រ សោភា ហាម លោក ឈឹម សក្កដា មិនឱ្យថតរូបជាមួយមនុស្សស្រីផ្សេង
«ទ្រាំខូចចិត្តឬកាត់ចិត្ត» គឺជាបទចម្រៀងស្នាដៃនិពន្ធរបស់អ៊ីនូដែលបានចេញជា Audio (សំឡេងច្រៀង) បង្ហោះលើយូធូបកាលពីថ្ងៃទី៨ ខែឧសភាកន្លងទៅ មានចំនួននៃការគាំទ្រយ៉ាងច្រើន ស្របពេលដែលតារាចម្រៀង សុគន្ធ និសាត្រលប់មកវិញផងនោះបទចម្រៀងនេះ ក៏ត្រូវបានថតចេញជារូបរាងដើម្បីបំពេញតាមសំណូមពរហ្វេនរបស់តារាចម្រៀង សុគន្ធ និសា តែម្ដង។
តាមពិត Status ដែលអ្នកនាងបង្ហោះសួរនាំរឿងខូចចិត្តឬកាត់ចិត្តនោះ គ្រាន់តែជាផ្នែកមួយនៃការឃោសនាផ្សព្វផ្សាយបទចម្រៀងថ្មីរបស់អ្នកនាងប៉ុណ្ណោះ។ តាមរយៈសំណេរនេះ បង្ហាញឱ្យឃើញថាតួស្រីរឿង «រាជិនីភូមិគ្រឹះ» រូបនេះ បានថតបទចម្រៀងថ្មីរួចរាល់ហើយ ដូច្នេះមិនយូរទៀតនោះទេ ហ្វេនៗច្បាស់ជានឹងបានឃើញបទចម្រៀងរបស់អ្នកនាង សុគន្ធ និសា លេចចេញជារូបរាងនៅក្នុងផលិតកម្មហង្សមាសជាក់ជាមិនខាន។
អ្នកនាង សុគន្ធ និសា គឺជាសិល្បការិនីល្បីមួយរូបដែលបានឆ្លងនូវជំងឺកូវីដ-១៩ ក្នុងព្រឹត្តិការណ៍សហគមន៍២០ កុម្ភៈ ក្រោយការព្យាបាលយ៉ាងយកចិត្តទុកដាក់ពីសំណាក់ក្រុមគ្រូពេទ្យបានធ្វើឱ្យតារាស្រីរូបនេះ និង តារាល្បីក្នុងទ្រនំហង្សមាសជាមួយនឹងកញ្ញាបានសះស្បើយពីជំងឺកូវីដ-១៩ដូចគ្នា៕
ស្ដាប់ Audio បទចម្រៀង «ទ្រាំខូចចិត្តឬកាត់ចិត្ត» របស់អ្នកនាង សុគន្ធ និសា ខាងក្រោម៖