ក្លិបបាល់ទាត់ Ashton United នៃក្របខណ្ឌលំដាប់ទី៧ របស់ប្រទេសអង់គ្លេស Northern Premier League បានដាក់សំណើខ្ចីជើង ខ្សែប្រយុទ្ធ Erling Haaland របស់មេឃខៀវ Manchester City ក្នុងរយៈពេល២៨ថ្ងៃ។
សេចក្ដីថ្លែងការណ៍របស់ Ashton United៖
«វាសមហេតុផល ពោលគឺក្លិបបាល់ទាត់ Man City មិនមានការប្រកួតទេ ហើយយើងចង់ជួយដោយរក្សាទម្រង់លេងរបស់ Haaland។ រឿងនេះវាគ្រាន់ជាងឲ្យគាត់ទៅលេងវាយកូនហ្គោលរយៈពេល ៦សប្តាហ៍ទៅទៀត»។ «យើងគិតថាគាត់នឹងស័ក្តិសមសម្រាប់ពួកយើង ហើយនឹងមានភាពស្វាហាប់ជាមួយក្រុមរបស់យើងយ៉ាងល្អ»។
គិតត្រឹមពេលនេះខ្សែប្រយុទ្ធវ័យក្មេង Erling Haaland បានស៊ុតបញ្ចូលទីបានសរុប ២៣ គ្រាប់ក្នុងការបង្ហាញខ្លួន ១៨ ប្រកួតនៅគ្រប់កម្មវិធីប្រកួតទាំងអស់សម្រាប់ Man City ចាប់តាំងពីការផ្ទេរពី Borussia Dortmund ក្នុងតម្លៃ៦០លានអឺរ៉ូ (៦៣លានដុល្លារ) ដោយទទួលបានថ្លៃនឿយហត់ ៣៧៥,០០០ផោន (ជាង៤៦ម៉ឺនដុល្លារ) ក្នុងមួយសប្តាហ៍៕
