នៅរសៀលថ្ងៃទី១៩ ខែឧសភា ឆ្នាំ២០២២ លោកគ្រូ Keisuke Honda អ្នកចាត់ការទូទៅរបស់ក្រុមជម្រើសជាតិកម្ពុជា បានបង្ហោះលេីគណនីហ្វេសប៊ុកថា៖«ខ្ញុំកំពុងនៅសៀមរាប។ ខ្ញុំពិតជាចូលចិត្តទីក្រុងនេះខ្លាំងណាស់។ ប៉ុន្តែពួកគេ(អាជីវករ)បានជួបការលំបាកក្នុងការធ្វើអាជីវកម្មអំឡុងពេលរាលត្បាតជំងឺកូវីដ១៩។ ឥលូវដល់ពេលសម្រាប់មនុស្សជុំវិញពិភពលោក មកលេងទីនេះ(សៀបរាម)ម្ដងទៀត!»។
ក្រោយចប់ភារៈកិច្ចក្នុងការដឹកនាំក្រុមនៅព្រឹត្តិការណ៏កីឡាស៊ីហ្គេម លើកទី៣១ នៅវៀតណាម លោក Keisuke Honda ក៏បានបន្តធ្វើដំណើរទៅកាន់ទីក្រុងសៀបរាម ដើម្បីជួបសំណោះសំណាល ព្រមទាំងចុះបង្ហាត់បង្ហាញ កែតម្រូវ និងចែករំលែកបទបិសោធន៏បន្តែមដល់ក្រុមកីឡាករសូលទីឡូអង្គរ៕