កណ្តាល ៖ ផ្ទះឈើមួយខ្នងត្រូវបានអគ្គិភ័យលេបត្របាក់អស់ទាំងស្រុង រួមទាំងទ្រព្យសម្បត្តិមួយចំនួនផង ផ្តើមចេញពីទុស្សេខ្សែភ្លើង ផ្អើលអាជ្ញាធរ សមត្ថកិច្ច រថយន្តពន្លត់អគ្គិភ័យ ជួយអន្តរាគមន៍ ការពារឆេះរាលទៅផ្ទះផ្សេង ។
![](https://cdn.troryorng.com/wp-content/uploads/2022/11/28060300/%E1%9F%A1-11-1024x576.jpg)
ហេតុការណ៍ខាងលើកើតឡើងកាលពីវេលាម៉ោង១រសៀល ថ្ងៃទី១៦ ខែវិច្ឆិកា ឆ្នាំ២០២២ នៅក្នុងភូមិស្លែង ឃុំត្រពាំងវែង ស្រុកកណ្តាលស្ទឹង ខេត្តកណ្តាល ។
![](https://cdn.troryorng.com/wp-content/uploads/2022/11/28060259/%E1%9F%A3-10-1024x576.jpg)
តាមអាជ្ញាធរ បានឲ្យដឹងថា ម្ចាស់ផ្ទះ ឈ្មោះ ប៊ុន ថា ប្រពន្ធ ឈ្មោះ ម៉ាច រស់នៅផ្ទះកើតហេតុ សង់អំពីឈើ ថ្មក្រោម ប្រក់ក្បឿង ទំហំ៧ម៉ែត្រx៨ម៉ែត្រ ភ្លើងឆេះអស់ទាំងស្រុង ។
![](https://cdn.troryorng.com/wp-content/uploads/2022/11/28060258/%E1%9F%A7-4-1024x578.jpg)
អាជ្ញាធរបន្តទៀតថា នៅវេលាម៉ោងខាងលើ ទុស្សេឆេះខ្សែភ្លើង ចេញពីលើផ្ទះ ឆេះរាល កាន់តែសន្ធោសន្ធៅឡើង ផ្អើលអស់អ្នកភូមិ នាំគ្នាជួយដងទឹកជះ តែមិនអាចគ្រប់គ្រងបាន ស្របពេលអាកាសធាតុក្តៅ ភ្លើងងាយឆេះលឿន កម្លាំងសមត្ថកិច្ច អាជ្ញាធរ រថយន្តពន្លត់អគ្គិភ័យ ទៅជួយបាញ់ទឹកការពារ កុំឲ្យរាលទៅផ្ទះផ្សេង ៕
![](https://cdn.troryorng.com/wp-content/uploads/2022/11/28060258/%E1%9F%A6-5-1024x768.jpg)
![](https://cdn.troryorng.com/wp-content/uploads/2022/11/28060257/%E1%9F%A5-6-1024x768.jpg)
អត្ថបទ៖ តាតុងសែនជ័យ
![](https://cdn.troryorng.com/wp-content/uploads/2022/11/28061227/Troryorng-Telegram-1-1024x126-1-1.jpg)