ភ្នំពេញ៖ អគ្គិភ័យឆេះខ្សែភ្លើង ដោយសារមានរថយន្តកុងតឺន័រ មួយគ្រឿងបើកទាក់ទាញខ្សែ ដាច់ទុស្សេឆេះតែម្តង បង្កឲ្យភ្ញាក់ផ្អើល សមត្ថកិច្ច រថយន្តពន្លត់អគ្គិភ័យ សហការជាមួយមន្ត្រីអគ្គិសនី បាញ់ពន្លត់ភ្លើង កាលពីវេលាម៉ោង ៤និង១០នាទីព្រឹក ថ្ងៃទី១៧ ខែវិច្ឆិកា ឆ្នាំ២០២២ នៅតាមផ្លូវបេតុង ភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
![](https://cdn.troryorng.com/wp-content/uploads/2022/11/28060232/photo_2022-11-17_04-27-54-3-1024x768.jpg)
តាមប្រជាពលរដ្ឋបានឲ្យដឹងថា មុនពេលកើតហេតុ គេឃើញរថយន្តកុងតឺន័រ មួយគ្រឿងបើកពីត្បូងទៅជើង ដល់ចំណុចខាងលើទាក់ខ្សែភ្លើងទាញដាច់ បង្កឲ្យទុស្សេ ឆេះខ្សែលើបង្គោល ហើយបើកគេចទៅបាត់ ផ្អើលពលរដ្ឋ សមត្ថកិច្ចរាយការណ៍ទៅខាងអគ្គិសនី ឲ្យជួយបិទ ផ្តាច់ចរន្ត និងមានការអន្តរាគមន៍ពីរថយន្តពន្លត់អគ្គិភ័យ អង្គភាព៧១១ កងពលតូចលេខ៧០ បាញ់ភ្លើងឲ្យរលត់ទៅវិញ ៕
![](https://cdn.troryorng.com/wp-content/uploads/2022/11/28060231/photo_2022-11-17_04-27-54-1024x768.jpg)
![](https://cdn.troryorng.com/wp-content/uploads/2022/11/28060230/photo_2022-11-17_04-27-53-1024x768.jpg)
![](https://cdn.troryorng.com/wp-content/uploads/2022/11/28060229/photo_2022-11-17_04-32-08-1024x768.jpg)
អត្ថបទ៖តាតុង សែនជ័យ