កាលពីសៀលថ្ងៃអង្គារ៍ ទី២៨ ខែមីនា ឆ្នាំ ២០២៣ ក្លិបបាល់ទាត់បឹងកេត បានប្រកាសថាកីឡាករ ណាយ ឆេងប៉ាវ បានវះកាត់ព្យាបាលរបួសទ្រនាប់ឆ្អឹងជើងខាងឆ្វេង ប្រកបដោយភាពជោគជ័យ។
ដូច្នេះកីឡាករ ណាយ ឆេងប៉ាវ នឹងត្រូវសម្រាកព្យាបាលរបួសរយ:ពេល៣ខែ ដើម្បីអាចវិលត្រលប់មកជួយក្រុមឡើងវិញ ក្នុងពានរង្វាន់នានានៅឆ្នាំ ២០២៣ ដូចជា៖ លីគកំពូលកម្ពុជា និង Hun Sen Cup ថ្នាក់ជាតិ។
គួរដឹងថាកីឡាករ ណាយ ឆេងប៉ាវ បានរងរបួសបែកទ្រនាប់ឆ្អឹងជើងឆ្វេង ចាប់តាំងពីរូបគេបានផ្ទេរទៅលេងឱ្យក្លិបសូលទីឡូអង្គរ កាលពីរដូវកាល ២០២២ មកម្ល៉េះ ប៉ុន្តែពុំទាន់បានព្យាបាលនោះឡើយ។
លុះអំឡុងពេលវិលត្រលប់មកកាន់ក្រុមបាល់ទាត់បឹងកេត ដើមឆ្នាំ ២០២៣ ដើម្បីត្រៀមរដូវកាលថ្មីនេះ ពោលគឺតាមការពិនិត្យរបស់ក្រុមគ្រូពេទ្យប្រចាំក្លិប បានរាយការណ៍ថារបួសរបស់គេ ចាំបាច់ត្រូវទទួលការវះកាត់ ទើបអាចបន្តអាជីពរបស់ខ្លួនបានតទៅមុខទៀត។
ការប្រកួតពានរង្វាន់ Cambodian League Cup ឆ្នាំ២០២៣ សប្ដាហ៍ទី៦ នឹងវិលត្រលប់មកវិញនៅថ្ងៃទី១ ខែមេសា ចុងសប្ដាហ៍នេះ ក្រោយសម្រាករយៈពេល២សប្ដាហ៍ FIFA DAY។
នៅថ្ងៃសៅរ៍ ទី១ ខែមេសា ឆ្នាំ២០២៣ មាន៣គូ រួមមាន៖
-នគរបាលជាតិ ទទួលក្រុមមកពីខេត្តសៀមរាប អង្គរថាយហ្គឺរ វេលាម៉ោង៣:៤៥ នាទី នាកីឡដ្ឋាន សាលាបណ្ឌិតត្យសភាកម្ពុជា
-អាយ អេស អាយ ដង្កោសែនជ័យ ត្រូវទទួលក្រុមមិនទាន់ស្គាល់ចាញ់ ភ្នំពេញក្រោន វេលាម៉ោង៣:៤៥ នាទី នាកីឡដ្ឋាន AIA Stadium, KMH Park
-សូលទីឡូអង្គរ ត្រូវទទួល ព្រះខ័នរាជស្វាយរៀង វេលាម៉ោង៣:៤៥ នាទី នាកីឡដ្ឋាន ហនុមាន ខេត្តសៀមរាប។
នៅថ្ងៃអាទិត្យ ទី២ ខែមេសា រួមមាន៖
-ព្រៃវែង អេហ្វស៊ី ត្រូវបើកទ្វារផ្ទះទទួល ក្រុមបឹងកេត វេលាម៉ោង៣:៤៥ នាទី នាកីឡដ្ឋានខេត្តព្រៃវែង
-អគ្គិសនីកម្ពុជា ទទួល គិរីវង់សុខសែនជ័យ វេលាម៉ោង៣:៤៥ នាទី នាកីឡដ្ឋានអគ្គិសនីកម្ពុជា
-កោះកុង អេហ្វស៊ី ត្រូវទទួលក្រុមខ្លាំង វិសាខា វេលាម៉ោង៣:៤៥ នាទី នាកីឡដ្ឋានខេត្តកោះកុង៕