កីឡាការិនី ទូច ចាន់វត្តី បានរងរបួសបាក់ឆ្អឹងដៃខាងឆ្វេង នៅអំឡុងពេលប្រកួតក្នុងព្រឹត្តិការណ៍ សេនាគុនខ្មែរ យ័ន្ត៨ទិស (Kun Khmer Warriors) កាលពីរាត្រីថ្ងៃទី១២ ខែឧសភា ឆ្នាំ២០២៤ នៅខេត្តត្បូងឃ្មុំ។
ក្នុងជំនួបប៉ះគូប្រកួតជាមួយកីឡាការិនីចិន លីន ជៀហៃ (LIN JIAHUl) ទូច ចាន់វត្តី បានបង្ហាញសមត្ថភាពយ៉ាងល្អ ដោយវាយគូប្រកួតចូលជាច្រើនដៃ នៅទឹកទិ១ និងទី២ ខណ:ឈានដល់ទឹកទី៣ គូនេះក៏នៅតែបញ្ចេញក្បាច់ដាក់គ្នាបានយ៉ាងល្អ តែដោយសារមានបញ្ហាបន្តិច ក៏បានធ្វើអោយកីឡាការិនីគុនខ្មែរ ភ្លាត់ជើងដួលសង្កត់ដៃខាងឆ្វេងធ្វើអោយមានរបួស។
ទស្សនាវីដេអូ នៃការប្រកួត កាលពីពីរាត្រីថ្ងៃទី១២ ខែឧសភា ឆ្នាំ២០២៤៖
រំលឹកថា កញ្ញា ទូច ចាន់វត្តី ជាកីឡាការិនីកម្ពុជាដំបូងគេបង្អស់ដែលបានយកឈ្នះមេដាយមាសគុនខ្មែរលើកីឡាការិនីវៀតណាម Nguyen Thi Chi ក្នុងប្រភេទទម្ងន់ ៥៤គីឡូក្រាមផ្នែកនារី នៅវគ្គផ្ដាច់ព្រ័ត្រក្នុងព្រឹត្តិការណ៍ប្រកួតកីឡាស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ៕
