អបអរសាទរ! កីឡាករប្រដាល់គុនខ្មែរ ធឿន ធារ៉ា ត្រូវបានទស្សនាវដ្តី Forbes ដាក់បញ្ចូលក្នុង 30 Under 30 Asia Class of 2024 ដែលរួមមានបណ្តាសហគ្រិនជោគជ័យ, អ្នកដែលមានឥទ្ធិពល និងអ្នកនាំឲ្យមានវឌ្ឍនភាពក្នុងអាជីពរបស់ខ្លួនឡើងដល់ចំនុចកំពូល។
Forbes គឺជាទស្សនាវដ្តីល្បីល្បាញបំផុតក្នុងការចាត់ចំណាត់ថ្នាក់អ្នកមាន មហាសេដ្ឋី នានាលើពិភពលោក។ Forbes គឺជាទស្សនាវដ្តីពាណិជ្ជកម្មរបស់អាមេរិកដែលបង្កើតឡើងនៅក្នុងឆ្នាំ 1917។ ប្រធាន និងជានិពន្ធនាយករបស់វាគឺ Steve Forbes ហើយនាយកប្រតិបត្តិគឺ Mike Federle ។
ធឿន ធារ៉ា គឺជាកូនចៅអ្នកស្រុកពាមរក៍ ខេត្តព្រៃវែង ខណ:ក្នុងវិស័យគុនខ្មែររូបគេត្រូវជាកូនសិស្សលោក អេ ភូថង ដែលអ្នកគាំទ្រប្រដាល់ដាក់រហ័សនាមថាអ្នកលេងកែងពូថៅដៃខ្លី។
រំលឹកដែរថា ជីវិតនៅធ្វើការប្រើកម្លាំងបាយនៅប្រទេសថៃទាំងដែលខ្លួននៅវ័យកុមារ និងមិនបានរៀនសូត្រ គឺជួបព្យុះភ្លៀងនិងផលលំបាកជាច្រើន ប៉ុន្តែនៅតែប្រឹងតស៊ូជាមួយគ្រួសារ ដោយមានគោលបំណងតែមួយគឺដើម្បីរកលុយ៕
