ក្លិបបាល់ទះវិសាខា បានចេញដំណើរឆ្ពោះទៅតៃវ៉ាន់ តាមច្រកអាកាសយានដ្ឋានអន្តរជាតិភ្នំពេញ កាលពីល្ងាចថ្ងៃទី២៧ ខែឧសភា ដើម្បីត្រៀមចូលរួមការប្រកួពានរង្វាន់ Win+ Steak Volleyball Invitational Tournament។
កម្មវិធីប្រកួតរបស់ក្រុមបាល់ទះវិសាខា មានដូចជា៖
- ថ្ងៃទី២៩ ខែឧសភា ឆ្នាំ២០២៤ វិសាខា ប៉ះជាមួយ Australian Volleyball Academy របស់អូស្រ្តាលី
- ថ្ងៃទី៣០ ខែឧសភា ឆ្នាំ២០២៤ វិសាខា ប៉ះជាមួយ Win Streak របស់តៃវ៉ាន់
- ថ្ងៃទី៣១ ខែឧសភា ឆ្នាំ២០២៤ វិសាខា ប៉ះជាមួយ Saitama Azalea របស់ជប៉ុន
- ថ្ងៃទី១ ខែមិថុនា ឆ្នាំ២០២៤ ក្រុមចំណាត់ថ្នាក់លេខ៧ ប៉ះ លេខ៨
- ថ្ងៃទី២ ខែមិថុនា ឆ្នាំ២០២៤ ក្រុមចំណាត់ថ្នាក់លេខ៥ ប៉ះ លេខ៦, លេង៣ ប៉ះ លេខ៤ និង លេខ១ ប៉ះ លេខ២។
សម្រាប់ក្រុមដែលចូលរួមទាំង៨ មានដូចជា៖
- វិសាខា របស់កម្ពុជា
- Flying Falcon របស់ម៉ាឡេស៊ី
- Nature Med Club របស់ម៉ុងហ្គោលី
- Win Streak របស់តៃវ៉ាន់
- Long my Construction របស់តៃវ៉ាន់
- Saitama Azalea របស់ជប៉ុន
- Australian Volleyball Academy របស់អូស្រ្តាលី
- Thành Phố Hồ Chí Minh របស់វៀតណាម។
បញ្ជីឈ្មោះក្រុមបាល់ទះវិសាខា៖
សម្រាប់បញ្ជីឈ្មោះកីឡាករសមាជិករបស់ក្រុមបាល់ទះវិសាខា ឃើញថាមានវត្តមានកីឡាករ មឿន ម៉េងឡាយ, ធី ម៉េងហួង ត្រូវបានក្លិបវិសាខា ខ្ចីជើងពីក្រុមបាល់ទះក្រសួងមហាផ្ទៃ ខណៈកីឡាករ ចាន់ វាសនា គឺត្រូវបានខ្ចីជើងពីក្រុមស្នងការដ្ឋាននគរបាលរាជធានីភ្នំពេញ។
ក្រៅកីឡាករ៣រូបនោះ ក្លិបបាល់ទះវិសាខា ក៏បានប្រកាសពីសមាជិកថ្មីដែលជាកីឡាករបរទេស ៣រូបបន្ថែមទៀតផងដែរ ក្នុងនោះរូមមាន៖
ទី១. កីឡាករបារាំង Pierre Toledo អាយុ២០ឆ្នាំ មានកម្ពស់១.៩៧ម៉ែត្រ មកពីក្លិប Chaumont VB52 លីគបាល់ទះកំពូលបារាំង
ទី២. កីឡាករបារាំង Francois Rebeyrol អាយុ២៥ឆ្នាំ មានកម្ពស់២.០២ម៉ែត្រ មកពីក្លិប Nice Volleyball លីគបាល់ទះកំពូលបារាំង
ទី៣. កីឡាករបារាំង-អង់គ្លេស Thomas Gill អាយុ២៤ឆ្នាំ មានកម្ពស់ ១.៩៨ម៉ែត្រ មកពីក្លិប Ajaccio នៃលីគបាល់ទះលំដាប់ទី២របស់បារាំង។
សូមជម្រាបថា សម្រាប់ការប្រកួតពានរង្វាន់នៅតៃវ៉ាន់ Win+ Steak Volleyball Invitational Tournament នឹងចាប់ផ្តើមពីថ្ងៃទី២៩ ខែឧសភា ឆ្នាំ២០២៤ រហូតដល់ថ្ងៃទី២ ខែមិថុនា ឆ្នាំ២០២៤៕
