ខ្សែការពារ ស៊ុំ សាន់ បានចែកផ្លូវជាមួយក្លិបបឹងកេត ១០ថ្ងៃ សម្រេចចុះកុងត្រាផ្លូវការជាមួយក្លិបគីរីវង់សុខសែនជ័យ ខណៈខ្សែការពាររូបនេះបានចូលរួមជាមួយក្រុមនៅក្រុងដូនកែវ មួយនេះតាំងពីរដូវកាលមុនក្នុងនាមជាកីឡាករខ្ចីជើង១រដូវកាល ព្រមទាំងបង្ហាញខ្លួនគ្រប់ការប្រកួតក្នុងពានរង្វាន់លីគកំពូលកម្ពុជា Cambodian Premier League 2023-24។
ក្នុងចំណោមបេសកកម្ម២៧ប្រកួតរបស់គីរីវង់សុខសែនជ័យ កីឡាករ ស៊ុំ សាន់ បង្ហាញខ្លួនក្នុងជម្រើស១១នាក់ដំបូងចំនួន២២លើក ហើយផ្លាស់ប្តូរចូលចំនួន៥លើក ដែលសរុបមានចំនួន២១១១នាទី ព្រមទាំងរកបានគ្រាប់បាល់បាន២លើក បញ្ជូនបាល់ឱ្យមិត្តរួមក្រុមទាត់បញ្ជូលទីចំនួន២លើក និងត្រូវពិន័យកាតលឿង១លើក។
នេះជាការប្រកាសនាំចូលកីឡាករថ្មីរបស់គីរីវង់សុខសែនជ័យ ក្រោយប្រកាសចែកផ្លូវជាមួយកីឡាករមួយចំនួនបន្ទាប់ពីចប់រដូវកាលចាស់ដូចជា៖
កីឡាករ ទ្រី ប៊ុនស៊ាងយ៉ាលីន្ទ
កីឡាករ NOBIRAKI DEIRANSUPENSA (ជប៉ុន)
កីឡាករ ជា វ៉ានសាក់ (អ្នកចាំទី)
កីឡាករ ទួត សារ៉ូត
កីឡាករ ឡាយ អៀងលី (អ្នកចាំទី)
កីឡាករ ម៉ុន វ៉ាន់ដា
កីឡាករ ELSAYED MAHMOUD ELSAYED ABDELFATTAH (អេហ្ស៊ីប)
កីឡាករ Anto Okamura (ជប៉ុន)
កីឡាករ Zenivio Morientes Gostavo Concelcao Mota (ទីម័រខាងកើត)
យ៉ាងណាក្តីក្លិបគីរីវង់សុខសែនជ័យ បានបន្តកិច្ចសន្យាជាមួយលោកគ្រូបង្វឹក សាប៊ូន វិនតា ដែលបានស្រោចស្រង់ក្លិបចេញពីតំបន់បាតតារាង នៃពានរង្វាន់លីគកំពូលកម្ពុជា កាលពីរដូវកាលមុនផងដែរ។
ក្លិបគីរីវង់សុខសែនជ័យ បានបញ្ចប់រដូវកាលឆ្នាំ២០២៣-២៤ របស់ខ្លួនដោយ៖
-ពានរង្វាន់ Cambodian League Cup ៖ វគ្គពាក់កណ្តាលផ្ដាច់ព្រ័ត្រ
-ពានរង្វាន់ Hun Sen Cup៖ វគ្គ៨ក្រុមចុងក្រោយ
-ពានរង្វាន់ Cambodian Premier League៖ ឈរលេខ៩