ការប្រកួតកីឡាបាល់ទះបាល់ទះផ្នែកបុរស ពានរង្វាន់ជើងឯកអាស៊ី 2024 Asian Men’s Volleyball Challenge Cup ដែលរៀបចំឡើងដោយសហព័ន្ធកីឡាបាល់ទះអាស៊ី (AVC) បានចាប់ផ្ដើមដំណើរការ កាលពីថ្ងៃទី២ ខែមិថុនា ហើយគ្រោងនឹងបញ្ចប់ទៅវិញថ្ងៃទី៩ មិថុនា ២០២៤ ខាងមុននេះ។
ខណ:លទ្ធផលការប្រកួតថ្ងៃទី២ ខែមិថុនា ការប្រកួតបើកឆាករួមមានដូចជា៖
- ២ មិថុនា ហ្វីលីពីន ០-៣ ចិន (19–25, 22–25, 22–25)
- ប៉ាគីស្ថាន ៣-០ កាហ្សាក់ស្ថាន (25–19, 25–19, 25–21)
- កូរ៉េខាងត្បូង ៣-០ ឥណ្ឌូណេស៊ី (25–11, 25–16, 25–9)
- អូស្ត្រាលី ៣-០ ចិនតៃប៉ិ (25–21, 25–17, 25–17)។
ព្រឹត្តិការណ៍ប្រកួតបាល់ទះជើងឯកអាស៊ីផ្នែកបុរស Asian Men’s Volleyball Challenge Cup ២០២៤ មានក្រុមចំនួន១២ ដែលចូលរួមប្រកួតប្រជែង មានបារ៉ែន, ថៃ, កូរ៉េខាងត្បូង, វៀតណាម, អូស្ត្រាលី, ឥណ្ឌូណេស៊ី, កាហ្សាក់ស្ថាន, កាតា, ចិន, ចិនតៃប៉ិ, ប៉ាគីស្ថាន និងហ្វីលីពីន បែងចែកជា៤ពូល។
ក្រុមទាំង ១២ បានបែងចែកជា ៤ ពូលមានដូចជា៖
ពូលA៖ ម្ចាស់ផ្ទះបារ៉ែន, ហ្វីលីពីន និងចិន
ពូលB៖ ថៃ, កាហ្សាក់ស្ថាន និង ប៉ាគីស្ថាន
ពូលC៖ កូរ៉េខាងត្បូង, ឥណ្ឌូណេស៊ី និង កាតា
ពូលD៖ វៀតណាម, អូស្ត្រាលី និង ចិនតៃប៉ិ។
បន្ទាប់ពីរកឃើញក្រុមដែលឈ្នះជើងឯកក្នុង 2024 Asian Men’s Volleyball Challenge Cup នេះនឹងតំណាងឱ្យទ្វីបអាស៊ី ១កៅអីឡើងទៅប្រកួតពានរង្វាន់កម្រិតពិភពលោក 2024 FIVB Volleyball Men’s Challenger Cup ដែលធ្វើឡើងនៅប្រទេសចិន ដើមខែកក្កដា ខាងមុខ ដែលមានក្រុមខ្លាំងៗចំនួន៧ ក្រុមកំពុងអង្គុយចាំ។
គួរដឹងថា ពានរង្វាន់ជើងឯកអាស៊ី Asian Men’s Volleyball Challenge Cup ត្រូវបានបង្កើឡើងដំបូងនៅឆ្នាំ២០១៨ ដែលមាន ប្រទេសស្រីលង្កា ជាម្ចាស់ផ្ទះ ម្ចាស់ជើងឯក បានទៅលើ អ៊ីរ៉ាក់ ឆ្នាំ២០២០ ត្រូវបានខកខាន ឆ្នាំ២០២២ ប្រទេស កៀហ្ស៊ីស៊ីស្ថាន ជាម្ចាស់ផ្ទះ គ្រងជាម្ចាស់ជើងឯក នៅឆ្នាំ២០២៣ កោះតៃវ៉ាន់ ជាម្ចាស់ផ្ទះ ថៃ ជាម្ចាស់ជើងឯក និងនៅឆ្នាំ២០២៤ នេះនឹងត្រូវធ្វើឡើងនៅប្រទេសបារ៉ែន៕
