ក្រុមបាល់ទាត់ជម្រើសជាតិស្រីលង្កា ក្រោមការដឹកនាំរបស់លោក Andy Morrison ជនជាតិស្កុតឡែន បានណាត់ក្រុមជម្រើសជាតិប្រ៊ុយណេ ប្រកួតមិត្តភាពអន្តរជាតិចំនួន២ជើង នៅថ្ងៃ FIFA Days មុនជួបកម្ពុជា ក្នុងវគ្គជម្រុះជើងឯកប្រចាំទ្វីប AFC Asian Cup Saudi Arabia 2027។
កម្មវិធីប្រកួតមិត្តភាពរបស់ក្រុមជម្រើសជាតិស្រីលង្កា៖
- ៨ មិថុនា ប្រ៊ុយណេ ប៉ះ ស្រីលង្កា នៅកីឡដ្ឋាន Hassanal Bolkiah National
- ១១ មិថុនា មិត្តភាព ស្រីលង្កា ប៉ះ ប្រ៊ុយណេ នៅកីឡដ្ឋាន Hassanal Bolkiah National។
ក្រៅពីនេះក្រុមបាល់ទាត់ជម្រើសជាតិស្រីលង្កា ក៏បានកោះហៅកីឡាករចូលសញ្ជាតិ Wade Dekker វ័យ៣០ឆ្នាំ កម្ពស់ ១.៨០ម៉ែត្រ ជនជាតិអូស្ត្រាលី ចូលសញ្ជាតិស្រីលង្កា ក្នុងបញ្ជីឈ្មោះសរុប ២៣នាក់ត្រៀមសម្រាប់ការប្រកួតមិត្តភាពអន្តរជាតិ ទល់នឹងប្រ៊ុយណេ។
កម្មវិធីប្រកួតមិត្តភាពរបស់ក្រុមជម្រើសជាតិកម្ពុជា៖
- ៧ មិថុនា ២០២៤ ម៉ោង៦ល្ងាច កម្ពុជា ប៉ះ ម៉ុងហ្គោលី នៅពហុកីឡដ្ឋានជាតិ រាជធានីភ្នំពេញ
- ១១ មិថុនា ២០២៤ ម៉ោង៦ល្ងាច ម៉ុងហ្គោលី ប៉ះ កម្ពុជា នៅកីឡដ្ឋាន MFF ទីក្រុងអ៊ុលឡានបាតា។
សម្រាប់ការប្រកួតវគ្គជម្រុះ AFC Asian Cup Saudi Arabia 2027៖
- ជើងទី១ នៅថ្ងៃទី៥ ខែកញ្ញា ឆ្នាំ២០២៤ ស្រីលង្កា ប៉ះកម្ពុជា នៅកីឡដ្ឋាន Sugathadasa នៅស្រីលង្កា
- ជើងទី២ នៅថ្ងៃទី១០ ខែកញ្ញា ឆ្នាំ២០២៤ កម្ពុជា ប៉ះស្រីលង្កា នៅពហុកីឡដា្ឋនជាតិ រាជធានីភ្នំពេញ។
បច្ចុប្បន្ន FIFA Ranking របស់ក្រុមបាល់ទាត់ជម្រើសជាតិកម្ពុជា ស្ថិតនៅចំណាត់ថ្នាក់លេខ១៧៩ ស្របពេលក្រុមជម្រើសជាតិស្រីលង្កា FIFA Ranking ចំណាត់ថ្នាក់លេខ២០៤ ពិភពលោក។
ជាមួយគ្នានេះក្រុមជម្រើសជាតិម៉ុងហ្គោលី ប៉ះទីម័រខាងកើត ខណៈម៉ាកាវ ប៉ះប្រ៊ុយណេ។ ក្រុមចំនួន៣ដែលទទួលបានជ័យជម្នះនឹងឡើងទៅជម្រុះជុំទី៣ (វគ្គជម្រុះក្នុងពូល) ដែលមាន១៩ប្រទេសដើម្បីប្រកួតប្រជែងគ្នាយក៦ក្រុមឡើងទៅជុំផ្តាច់ព្រ័ត្រ 2027 AFC Asian Cup នៅប្រទេសអារ៉ាប៊ីសាអ៊ូឌីតជាម្ចាស់ផ្ទះ៕
