ព្រឹត្តិការណ៍ប្រកួតកីឡាបាល់ទះជើងឯកប្រចាំទ្វីបអាស៊ីផ្នែកបុរស 2024 Asian Men’s Volleyball Challenge Cup កំពុងតែប្រកួតនៅទីក្រុង Isa ប្រទេសបារ៉ែន ដោយមាន១២ក្រុមចូលរួមប្រកួត ស្របពេលក្រុមបាល់ទះជម្រើសជាតិវៀតណាម ជាក្រុមអាស៊ានតែ១គត់ដែលអាចឡើងទៅវគ្គ៨ក្រុមចុងក្រោយ ក្រោយឆ្លងកាត់២ប្រកួត ឈ្នះ១ ចាញ់១ មាន៣ពិន្ទុ ឈរលេខ២ នៃពូល D។
កម្មវិធីប្រកួតវគ្គ៨ក្រុមចុងក្រោយ៖
- ៦ មិថុនា ២៤ ចិន ប៉ះ កាតា ម៉ោង ៣:០០រសៀល
- ៦ មិថុនា ២៤ កាហ្សាក់ស្ថាន ប៉ះ អូស្ត្រាលី ៥:៣០ល្ងាច
- ៦ មិថុនា ២៤ ប៉ាគីស្ថាន ប៉ះ វៀតណាម ម៉ោង ៧:០០យប់
- ៦ មិថុនា ២៤ បារ៉ែន ប៉ះ កូរ៉េខាងត្បូង ម៉ោង ៨:៣០យប់។
ដោយឡែកក្រុមបាល់ទះថៃ ឥណ្ឌូណេស៊ី និងហ្វីលីពីន បានអស់ឱកាសឡើងទៅជុំបន្តក្រោយប្រកួតចាញ់ទាំង២លើកជាប់ៗគ្នា៖
- ២ មិថុនា ២៤ ហ្វីលីពីន ០-៣ ចិន
- ៣ មិថុនា ២៤ ហ្វីលីពីន ០-៣ បារ៉ែន
- ៣ មិថុនា ២៤ ថៃ ០-៣ ប៉ាគីស្ថាន
- ៤ មិថុនា ២៤ ថៃ ២-៣ កាហ្សាក់ស្ថាន
- ៣ មិថុនា ២៤ ឥណ្ឌូណេស៊ី ០-៣ កូរ៉េខាងត្បូង
- ៤ មិថុនា ២៤ ឥណ្ឌូណេស៊ី ០-៣ កាតា។
ពានរង្វាន់ Asian Men’s Volleyball Challenge Cup បង្កើតឡើងពីឆ្នាំ២០១៨ ដោយគ្រោងធ្វើឡើងរៀងរាល់ឆ្នាំ ប៉ុន្តែការរៀបចំកន្លងមកមានការរអាក់រអួលខ្លះៗ ក្នុងនោះនៅឆ្នាំ២០១៨ ជើងឯកបានទៅអ៊ីរ៉ាក់, ឆ្នាំ២០២០ មិនបានរៀបចំដោយសារជំងឺកូវីដ-១៩, ឆ្នាំ២០២២ ជើងឯកបានទៅក្រុមជីគីស្ថាន, ឆ្នាំ២០២៣ ជើងឯកបានទៅថៃ។
ក្រុមលេខ១និងលេខ២តាមពូលមានឈ្មោះឡើងវគ្គវគ្គ៨ក្រុមចុងក្រោយបន្តប្រកួតប្រជែងរហូតដល់រកម្ចាស់ជើងឯកប្រចាំឆ្នាំតែម្តង។ ក្រុមជើងឯកនឹងតំណាងឱ្យទ្វីបអាស៊ី ទៅចូលរួមប្រកួតក្នុងពានរង្វាន់កម្រិតទី២ពិភពលោក 2024 FIVB Challenger Cup បន្ទាប់ពីពានរង្វាន់ 2024 FIVB Men’s Volleyball Nations League៕
