ក្រោយចំណាយពេលប្រកួតជាង១សប្ដាហ៍លើទីលាន Isa Bin Rashed Hall ក្នុងទីក្រុង Isa ប្រទេសបារ៉ែន ពេលនេះគណៈកម្មការរៀបចំការប្រកួតបានរកឃើញក្រុមខ្លាំងឡើងទៅវគ្គផ្ដាច់ព្រ័ត្រហើយ ក្នុងព្រឹត្តិការណ៍ប្រកួតបាល់ទះបុរសប្រចាំទ្វីបអាស៊ី 2024 Asian Men’s Volleyball Challenge Cup នោះមានកាតារ និងប៉ាគីស្ថាន។
លទ្ធផលនៅវគ្គ៨ក្រុមចុងក្រោយមាន៖
-ចិន ០-៣ កាតារ
-កាហ្សាក់ស្ថាន ៣-១ អូស្រ្តាលី
-បារ៉ែន ២-៣ កូរ៉េខាងត្បូង
-ប៉ាគីស្ថាន ៣-២ វៀតណាម
ចំណែកលទ្ធផលវគ្គពាក់កណ្តាលផ្ដាច់ព្រ័ត្រវិញមាន៖
-កាតារ ៣-១ កាហ្សាក់ស្ថាន
-កូរ៉េខាងត្បូង ១-៣ ប៉ាគីស្ថាន
ដូច្នេះចំណាត់ថ្នាក់នៅក្នុងព្រឹត្តិការណ៍ 2024 Asian Men’s Volleyball Challenge Cup រកឃើញបណ្តើរៗហើយក្នុងនោះ៖
ជើងឯក៖ មិនទាន់រកឃើញ
ជើងឯករង៖មិនទាន់រកឃើញ
លេខ៣៖មិនទាន់រកឃើញ
លេខ៤៖មិនទាន់រកឃើញ
លេខ៥៖ ចិន
លេខ៦៖ វៀតណាម
លេខ៧៖ បារ៉ែន
លេខ៨៖ អូស្រ្តាលី
លេខ៩៖ ថៃ
លេខ១០៖ ហ្វីលីពីន
លេខ១១៖ ឥណ្ឌូណេស៊ី
លេខ១២៖ តៃវ៉ាន់
ពានរង្វាន់ Asian Men’s Volleyball Challenge Cup បង្កើតឡើងពីឆ្នាំ២០១៨ ដោយគ្រោងធ្វើឡើងរៀងរាល់ឆ្នាំ ប៉ុន្តែការរៀបចំកន្លងមកមានការរអាក់រអួលខ្លះៗ ក្នុងនោះនៅឆ្នាំ២០១៨ ជើងឯកបានទៅអ៊ីរ៉ាក់, ឆ្នាំ២០២០ មិនបានរៀបចំដោយសារជំងឺកូវីដ-១៩, ឆ្នាំ២០២២ ជើងឯកបានទៅក្រុមជីគីស្ថាន, ឆ្នាំ២០២៣ ជើងឯកបានទៅថៃ។
ក្រុមលេខ១និងលេខ២តាមពូលមានឈ្មោះឡើងវគ្គវគ្គ៨ក្រុមចុងក្រោយបន្តប្រកួតប្រជែងរហូតដល់រកម្ចាស់ជើងឯកប្រចាំឆ្នាំតែម្តង។ ក្រុមជើងឯកនឹងតំណាងឱ្យទ្វីបអាស៊ី ទៅចូលរួមប្រកួតក្នុងពានរង្វាន់កម្រិតទី២ពិភពលោក 2024 FIVB Challenger Cup បន្ទាប់ពីពានរង្វាន់ 2024 FIVB Men’s Volleyball Nations League៕
