អធិរាជលេងអំបោះឆៅ ធន់ រិទ្ធី បានយកឈ្នះ តារាប្រដាល់ថៃហ្វៃ សៃយុគ (Saiyok Pumpanmuang) ដោយពិន្ទុ សម្រាប់ការប្រកួតដាក់ខ្សែក្រវាត់ ការប្រកួតមិត្តភាពអន្តរជាតិ យប់ថ្ងៃអាទិត្យ ទី១៦ ខែមិថុនា ឆ្នាំ២០២៤ នៅខេត្តបន្ទាយមានជ័យ ក្នុងព្រឹត្តិការណ៍ The Battle of Kings II។
ក្រោយបញ្ចប់ការប្រកួតបានប៉ុន្មានថ្ងៃ សៃយុគបានបង្ហោះសារមួយឃ្លាយ៉ាងមានន័យនៅលើទំព័រហ្វេសបុករបស់ខ្លួនថា ៖ «ពួកយើងប្រយុទ្ធគ្នានៅលើសង្វៀន ប៉ុន្តែ ចប់ការប្រកួត យើងជាបងប្អូន។ នេះជាកីឡា»។
រំលឹកថា សម្រាប់ជ័យជម្នះធន់ រិទ្ធី លើសៃយុគ ក្នុងការប្រកួត ៣ទឹកពេញចៅក្រមទាំង ៥រូបបានផ្តល់ពិន្ទុរួមមានដូចជា៖
ចៅក្រមទី១ ៥៩-៥៦ ធន់ រិទ្ធី ឈ្នះ
ចៅក្រមទី២ ៥៧-៥៧ ស្មើគ្នា
ចៅក្រមទី៤ ៥៩-៥៨ ធន់ រិទ្ធី ឈ្នះ
ចៅក្រមទី៤ ៥៩-៥៨ សៃយុគ ឈ្នះ
ចៅក្រមទី៥ ៥៨-៥៧ ធន់ រិទ្ធី ឈ្នះ។
គួរបញ្ជាក់ថាសម្រាប់ ប្រវត្តិជួបគ្នា ៣លើករវាង ធន់ រិទ្ធី និង សៃយុគ លទ្ធផលគឺ ធន់ រិទ្ធី ឈ្នះ១លើក ស្មើ១លើក និងសៃយុគ ឈ្នះ១លើក។ ដោយឡែកមុនការប្រកួតកីឡាករ ធន់ រិទ្ធី បានលើកឡើងថា៖«សម្រាប់ជំនួបជាមួយកីឡាករថៃ សៃយុគ លើកទី៣នេះ ក្នុងព្រឹត្តិការណ៍ The Battle of Kings II គឺជាការជួបគ្នាលើកចុងក្រោយហើយ ទោះឈ្នះឬចាញ់ក៏ដោយ»៕
