ភ្នំពេញ ៖ ក្មេងទំនើងមួយក្រុមបានលើកបក្ខពួកនាំគ្នាជិះម៉ូតូមកវាយក្មេងស្ទាវ១មួយក្រុមទៀត ដែលកំពុងតែអង្គុយហូបអី បណ្ដាលផ្អើលអ្នកលក់ដូររត់គេចបាទជើងសព្រាត ហើយនៅសល់ម៉ូតូ១គ្រឿង ក៏ត្រូវបានភាគីម្ខាងទៀតវាយកម្ទេចម៉ូតូខូចខាតទាំងស្រុង។
![](https://cdn.troryorng.com/wp-content/uploads/2024/06/19070834/1000005085-770x1024.jpg)
ហេតុការណ៍នេះ កើតឡើងនៅវេលាទាបភ្លឺ ឈានចូលថ្ងៃទី១៨ ខែមិថុនា ឆ្នាំ២០២៤ ស្ថិតតាមបណ្ដោយផ្លូវសហព័ន្ធរុស្ស៊ី ជាប់របងអាកាសយានដ្ឋានអន្តរជាតិភ្នំពេញ ចំណុចភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ។
![](https://cdn.troryorng.com/wp-content/uploads/2024/06/19070850/1000005080-720x1024.jpg)
ជុំវិញករណីក្មេងទនើងបើកឆាកប្រយុទ្ធគ្នានៅខណ្ឌពោធិសែនជ័យនេះដែរ លោក ទូច សុឃ: (សុខ:) អ្នកនាំពាក្យរងក្រសួងមហាផ្ទៃបានបញ្ជាក់ឲ្យដឹងដែរថា ក្រោយកើតហេតុការខាលើ សមត្ថកិច្ចរបស់ខណ្ឌនៃទីកន្លែងកើតនូវបទល្មើស និងសមត្ថកិច្ចរបស់ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញសហការគ្នា នឹងសហការជាមួយសមត្ថកិច្ចពាក់ព័ន្ធតាមដែនដីផ្សេងផ្សេងៗទៀត បានធ្វើការស្រាវជ្រាវកំណត់មុខសញ្ញាភ្លាមៗ។
![](https://cdn.troryorng.com/wp-content/uploads/2024/06/19071238/image-269.png)
ហើយមកដល់ពេលនេះសមត្ថកិច្ចកំណត់មុខសញ្ញាបានហើយ និងឈានទៅដល់ការចាប់ខ្លួនក្មេងទំនើង ដែលបើកការវាយប្រហារគ្នា ពោលគឺបំផ្លិចបំផ្លាញទ្រព្យសម្បត្តិឯកជនដោយចេតនា ដោយកាប់ទៅលើម៉ូតូរបស់ភាគីម្ខាងទៀតនោះ ។ ពេលនេះកម្លាំងសមត្ថកិច្ចកំពុងតែបន្តក្រសោបនូវមុខសញ្ញាផ្សេងៗដទៃទៀត៕