បើនិយាយពីកីឡាករដែលមានវ័យក្មេងជាងគេនៅក្នុងព្រឹត្តិការណ៍ប្រកួតពានរង្វាន់ជើងឯកទ្វីបអឺរ៉ុប UEFA Euro 2024 ឬ 2024 UEFA European Football Championship នោះច្បាស់ណាស់គឺជាខ្សែការពារ Lamine Yamal របស់ក្រុមជម្រើសជាតិអេស្ប៉ាញ។
តែងបើយើងងាកមកខ្សែបម្រើ Dominik Szoboszlai ក៏ជាកីឡាករដែលមានវ័យក្មេងជាងគេផង ក្នុងនាមជាប្រធានក្រុមដែលចូលលេងក្នុងព្រឹត្តិការណ៍ UEFA Euro ពោលគឺមានវ័យ ២៣ឆ្នាំ ២៣៤ថ្ងៃ ពេលហុងគ្រី ប៉ះស្វីស នៅ UEFA Euro 2024 នេះ។
សម្រាប់ការប្រកួតរបស់ក្រុមជម្រើសជាតិ ហុងគ្រី ក្នុងជំនួបប៉ះ ស្វីស ក្នុងពានរង្វាន់ជើងឯកទ្វីបអឺរ៉ុប UEFA Euro 2024 ជម្រុះក្នុងពូលជុំទី១ កាលពីថ្ងៃទី១៥ មិថុនា ហុងគ្រី បានបរាជ័យក្រោមថ្វីដៃស្វីស ក្នុងលទ្ធផល ៣ទល់និង១ នៅកីឡដ្ឋាន RheinEnergieStadion។
ដោយឡែកសម្រាប់កីឡាករដែលមានវ័យក្មេងជាងគេទាំង៥៖
Lamine Yamal អេស្ប៉ាញ ១៦ឆ្នាំ ១១ខែ និង១ថ្ងៃ
Warren Zaïre-Emery បារាំង ១៨ឆ្នាំ ៣ខែ និង៥ថ្ងៃ
Leo Sauer ស្លូវ៉ាគី ១៨ឆ្នាំ ៥ខែ និង២៩ថ្ងៃ
Semih Kiliçsoy តួកគី ១៨ឆ្នាំ ៩ខែ និង៣០ថ្ងៃ
Gabriel Sigua ហ្សកហ្ស៊ី ១៨ឆ្នាំ ១១ខែ និង១៥ថ្ងៃ។
សម្រាប់កម្មវិធីប្រកួត ពានរង្វាន់ជើងឯកទ្វីបអឺរ៉ុប នៅរាត្រីនេះ មានចំនួន ៣គូរួមមាន៖
- ក្រូអាត ប៉ះ អាល់បានី វេលាម៉ោង ៨:០០នាទីយប់
- អាល្លឺម៉ង់ ប៉ះ ហុងគ្រី វេលាម៉ោង ១១:០០នាទីយប់
- ស្កុតឡេន ប៉ះ ស្វ៊ីស វេលាម៉ោង ២:០០នាទីរំលង់អាធ្រាត
ពានរង្វាន់ជើងឯកទ្វីបអឺរ៉ុប UEFA Euro 2024 ដែលប្រទេសអាល្លឺម៉ង់ ទទួលរៀបចំធ្វើជាម្ចាស់ផ្ទ នឹងដំណើរការប្រកួតចាប់ពីនៅថ្ងៃទី១៤ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៤ ដោយប្រើប្រាស់កីឡដ្ឋានចំនួន ១០ នៅក្នុងទីក្រុងចំនួន ១០ ផ្សេងគ្នា សរុបចំនួន ៥១ ប្រកួតរបស់ក្រុមដែលចូលរួមទាំង ២៤។
គួរដឹងថាពានរង្វាន់ជើងឯកបាល់ទាត់ផ្នែកបុរស UEFA Euro ឬ UEFA European Football Championship ត្រូវបានបង្កើតឡើងដំបូងនៅឆ្នាំ១៩៥៨ បច្ចុប្បន្នមានអាយុកាល ៦៦ឆ្នាំ ស្របពេលក្រុមជម្រើសជាតិអាល្លឺម៉ង់ និងក្រុមអេស្ប៉ាញ ឈ្នះពាននេះបាន ៣លើកស្មើគ្នា ខណៈក្រុមការពារតំណែងជើងឯកគឺក្រុមជម្រើសជាតិអ៊ីតាលី៕