ប្រទេសថៃ៖ កងកម្លាំងអង្គភាព កងពលតូចថ្មើរជើងលេខ៥១ ចំនួន៣០នាក់ ដឹកនាំដោយលោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ កាលពីថ្ងៃទី១៩ ខែមិថុនា ឆ្នាំ២០២៤ បានចូលរួមហ្វឹកហាត់ការ ការពារជួយសង្គ្រោះគ្រោះមហន្តរាយ និងលេងកីឡា ជាមួយកងទ័ពថៃ ស្ថិតនៅសាលារៀន អផប៉.ខ្លងណាមសៃ ស្រុកអារញ្ញប្រាថេត ខេត្តស្រះកែវ ប្រទេសថៃ ។
![](https://cdn.troryorng.com/wp-content/uploads/2024/06/21103001/197-2-1024x682.jpg)
ការហ្វឹកហាត់នេះមានរយះពេលមួយថ្ងៃ ក្នុងគោលបំណងផ្តល់នូវបទពិសោធន៍ បច្ចេកទេស លក្ខណៈស្តង់ដា និងបែបវិទ្យាសាស្រ្ត រួមជាមួយគ្នា ដើម្បីពង្រឹងសមត្ថភាព ការងារជួយសង្គ្រោះគ្រោះមហន្តរាយ សម្រាប់ប្រជាជន នៃប្រទេសទាំងពីរស់នៅតាមបន្ទាត់ព្រំដែន ដោយភាគីថៃដឹកនាំដោយលោកឧត្តមសេនីយ៍ត្រី ថេបពិថីប និមីត មេបញ្ជាការ កងកម្លាំងបូព៌ាថៃ ត្រូវបញ្ចប់នៅរសៀលថ្ងៃទី១៩ ខែមិថុនា ឆ្នាំ២០២៤ ។
![](https://cdn.troryorng.com/wp-content/uploads/2024/06/21103026/199-3-1024x682.jpg)
ក្នុងឱកាសនោះដែរ ឧត្តមសេនីយ៍ត្រី សឹង្ហ ទុំ បានមានប្រសាសន៍ថ្លែងអំណរគុណដល់ភាគីថៃ ដែលបានអនុញាតិឲ្យភាគីកម្ពុជាបានចូលរួមគ្នា ដើម្បីដកស្រង់បទពិសោធន៍ ដើម្បីធានាឲ្យកិច្ចការងារជួយសង្គ្រោះអាយុជីវិតមនុស្ស និងសម្ភារ បានលឿន រហ័ស ទាន់ពេលវេលា និងសុវត្ថិភាព ឆ្លើយតបនូវសេចក្តីត្រូវការចំបាច់និងបន្ទាន់ និងតាមបទបញ្ជាថ្នាក់លើ៕
![](https://cdn.troryorng.com/wp-content/uploads/2024/06/21103032/198-3-1024x682.jpg)
អត្ថបទ៖ប៉ោយប៉ែត
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)