ភ្នំពេញ៖ ឆ្លងចរន្តទុស្សេខ្សែភ្លើងឆេះផ្អើលប្រជាពលរដ្ឋនឹងសមត្ថកិច្ចចំនួន២ខណ្ឌ ហៅរថយន្តពន្លត់អគ្គិភ័យជួយបាញ់ពន្លត់ភ្លាមៗ សមណាងល្អមិនបង្កការឆាបឆេះដល់ផ្ទះបងប្អូនប្រជាពលរដ្ឋឡេីយ ហេតុការណ៍នេះកើតឡើងកាលពីវេលាម៉ោង១១នឹង៣០នាទីយប់ នៅតាមបណ្តោយផ្លូវ៥២៨ ទល់មុខប៉ុស្តិ៍នគរបាលសង្កាត់បឹងកក់ទី១ខណ្ឌទួលគោក រាជធានីភ្នំពេញ នឹងឆេះមួយកន្លែងទៀត នៅផ្លូវ១៦៩ ដែលស្ថិតនៅសង្កាត់មិត្តភាព ខណ្ឌ៧មករា រាជធានីភ្នំពេញ។
តាមប្រភពពត៌មានពីបងបងប្អូនប្រជាពលរដ្ឋ បានអោយដឹងថា នៅមុនពេលកេីតហេតុ នៅក្នុងរាជធានីភ្នំពេញ ដោយមានភ្លៀងធ្លាក់មួយមេធំ អស់ជាច្រើនម៉ោងលុះនៅពេល មេឃ រាំងភ្លៀង នៅម៉ោងកេីតហេតុ ក៏ស្រាប់តែនៅប្រអប់ភ្លើងនៅទល់មុខប៉ុស្តិ៍នគរបាល សង្កាត់បឹងកក់ទី១ បានឆ្លងចរន្ត រួចក៏ឆាបឆេះពីបង្គោលភ្លើងមួយ រាលដាលទៅបង្គោលភ្លើងមួយទៀត ឆេះយ៉ាងសន្ធោសន្ធៅ ត្រូវបានបងប្អូនប្រជាពលរដ្ឋ នឹងសមត្ថកិច្ចនគរបាលប៉ុស្តិ៍ បានទាក់ទងទៅ ជំនាញអគ្គិសនីដេីម្បីបិទភ្លើង នឹងហៅរថយន្តពន្លត់អគ្គិភ័យជួយបាញ់ពន្លត់ដេីម្បីបាញ់ពន្លត់ភ្លាមៗ។
ប្រតិបត្តិការនេះបានប្រើប្រាស់ទឹកអស់ចំនួន ១រថយន្ដ មិនមានឆេះរាលដាលដល់ផ្ទះបងប្អូនប្រជាពលរដ្ឋឡេីយ ។ លុះបន្ទាប់មកនៅវេលាម៉ោង ១២នឹង៤០នាទីរំលងអាធ្រាត ឈានចូលថ្ងៃទី៤ ខែមិថុនា ឆ្នាំ២០២៤ នៅតាមបណ្តោយផ្លូវលេខ១៦៩ ដែលស្ថិតនៅសង្កាត់មិត្តភាព ខណ្ឌ៧មករា ក៏មានករណីឆ្លងចរន្តទុស្សេខ្សែភ្លើងដូចគ្នានឹងឆាបឆេះរាលដាលដូចគ្នា ត្រូវបានរថយន្តពន្លត់អគ្គិភ័យជួយបាញ់ពន្លត់ភ្លាមៗ នឹងមិនបង្កអោយមានការឆាបឆេះដល់ផ្ទះបងប្អូនប្រជាពលរដ្ឋនោះឡេីយ៕
អត្ថបទ៖ ទូច វិច្ឆិកា