បន្ទាយមានជ័យ៖ ជនសង្ស័យម្នាក់ត្រូវបានបញ្ជូនទៅតុលាការ ពាក់ព័ន្ធករណីលួចម៉ូតូ និងប្រើប្រាស់គ្រឿងញៀន
ដែលប្រព្រឹត្តិកាលពីថ្ងៃទី២៦ ខែមិថុនា និងថ្ងៃទី០១ ខែកក្កដា ឆ្នាំ២០២៤ នៅចំណុចភូមិមិត្ដភាព សង្កាត់ប៉ោយប៉ែត និងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
សង្ស័យម្នាក់ឈ្មោះ នាង ឆាយ (ហៅឆាយ) ភេទប្រុស អាយុ៣៧ឆ្នាំ ជនជាតិខ្មែរ ស្រុកកំណេីតស្រុកស្អាង ខេត្តកណ្តាល បច្ចុប្បន្នស្នាក់នៅបណ្តោះអាសន្នភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត។ ជនសង្ស័យខាងលើមានផ្ទុះសារធាតុញៀននៅក្នុងទឹកនោម។
តាមលោកវរសេនីយ៍ត្រី នួន នីណារ៉ូ បានឱ្យដឹងថា កាលពីថ្ងៃទី០១ ខែកក្កដា ឆ្នាំ២០២៤ នៅមូលដ្ឋានកងរាជអាវុធហត្ថក្រុងប៉ោយប៉ែត បានទទួលពាក្យបណ្ដឹងពីជនរងគ្រោះឈ្មោះ ចិត ម៉ៅ ករណីបាត់ម៉ូតូ ចំនួន០១គ្រឿង ម៉ាកហុងដាឌ្រីម ពណ៌ខ្មៅ ផលិតឆ្នាំ២០២០ ពាក់ស្លាកលេខ សៀមរាប 1AL-0691 និងថ្ងៃទី០២ ខែកក្កដា ឆ្នាំ២០២៤ បានទទួលពាក្យបណ្ដឹងពីជនរងគ្រោះ ឈ្មោះ ពឿយ បូរឿន ករណីបាត់ម៉ូតូ ចំនួន០១គ្រឿងដូចគ្នា ម៉ាកហុងដាឌ្រីម ពណ៌ខ្មៅ ពាក់ស្លាកលេខ បន្ទាយមានជ័យ 1Q-8234។
បន្ទាប់ពីបានទទួលពាក្យបណ្ដឹង កម្លាំងជំនាញមូលដ្ឋានកងរាជអាវុធហត្ថក្រុង បានធ្វើការស្រាវជ្រាវកំណត់មុខសញ្ញា រហូតឈានដល់ឃាត់ខ្លួន ជនសង្ស័យ រួមទាំងដកហូតវត្ថុតាងហើយនាំមកកាន់មូលដ្ឋានកងរាជអាវុធហត្ថក្រុងដើម្បីសួរ ដោយជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពលួចម៉ូតូរបស់ជនរងគ្រោះទាំងពីរនាក់ខាងលេីពិតប្រាកដមែន។
តាមលោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាប បទល្មេីសបានឱ្យដឹងថា បច្ចុប្បន្ន ជនសង្ស័យត្រូវបានកម្លាំងការិយាល័យព្រហ្មទណ្ឌ កងរាជអាវុធហត្ថខេត្ត បញ្ជូនទៅតុលាការហើយនៅរសៀលថ្ងៃទី០៣ ខែកក្កដា ឆ្នាំ ២០២៤នេះ ដើម្បីអនុវត្តតាមនីតិវិធី ។ ចំណែកវត្ថុតាងម៉ូតូទាំង២គ្រឿង ត្រូវបានកម្លាំងមូលដ្ឋានកងរាជអាវុធហត្ថក្រុងប៉ោយប៉ែតប្រគល់ជូនជនរងគ្រោះវិញហេីយដែរ៕
អត្ថបទ៖ ប៉ោយប៉ែត