ពានរង្វាន់ប្រចាំទ្វីបអាមេរិកខាងត្បូង Copa América ដែលសហរដ្ឋអាមេរិក ទទួលរៀបចំធ្វើជាម្ចាស់ផ្ទះ បានចាប់ផ្តើមដំណើរការតាំងពីថ្ងៃទី២១ ខែមិថុនា ហើយគ្រោងនឹងបញ្ចប់ទៅវិញនៅថ្ងៃទី១៤ ខែកក្តដា ឆ្នាំ២០២៤ ពេលនេះឈានដល់វគ្គ៨ក្រុមចុងក្រោយហើ់យ។
ស្របពេលកីឡាករ Lautaro Martínez របស់ក្រុមជម្រើសជាតិអាហ្សង់ទីន បន្តឈរជាកីឡាករស៊ុតបញ្ចូលទីច្រើនជាងគេ Top Scorers បណ្តោះអាសន្ន ក្នុងព្រឹត្តិការណ៍ Copa América ឆ្នាំ២០២៤ ក្រោយរកបាន៤គ្រាប់ សម្រាប់ការបង្ហាញខ្លួន៣លើក។
វគ្គ៨ក្រុមចុងក្រោយ នៃពានរង្វាន់ Copa América 2024៖
- ថ្ងៃទី៤ ខែកក្កដា ឆ្នាំ២០២៤ អាហ្សង់ទីន ប៉ះ អេក្វាឌ័រ
- ថ្ងៃទី៥ ខែកក្កដា ឆ្នាំ២០២៤ វ៉េណេស៊ុយអេឡា ប៉ះកាណាដា
- ថ្ងៃទី៦ ខែកក្កដា ឆ្នាំ២០២៤ កូឡុំប៊ី ប៉ះ ប៉ាណាម៉ា
- ថ្ងៃទី៦ ខែកក្កដា ឆ្នាំ២០២៤ ប្រេស៊ីល ប៉ះអ៊ុយរូហ្គាយ។
បើរាប់ពីអាយុកាលនៃពានរង្វាន់កម្រិតទ្វីប Copa América ត្រូវបានបង្កើតឡើងដំបូងនៅឆ្នាំ១៩១៦ ពោលគឺមានអាយុកាលជាង ១០៨ឆ្នាំហើយ ខណៈប្រទេសដែលទទួលបានសិទ្ធិរៀបចំជាម្ចាស់ផ្ទះច្រើនជាងគេគឺប្រទេសអាហ្សង់ទីន ចំនួន៩លើក ប្រទេសអ៊ុយរូហ្គាយ និងប្រទេសឈីលី បាន៧លើក។
ខណ:ប្រទេសអាហ្សង់ទីន និងអ៊ុយរូហ្គាយ ឈ្នះពានរង្វាន់នេះច្រើនជាងគេសរុប ១៥លើកដូចគ្នា ចំណែកឯប្រេស៊ីល ឈ្នះ៩លើក៕
