ទីបំផុតក្រុមកោះកុងអេហ្វស៊ី ក្លាយជាជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៥ (ថ្នាក់ខេត្ត) ឆ្នាំ២០២១ ក្រោយយកឈ្នះក្រុមមន្ទីរអប់រំ យុវជន និងកីឡា ខេត្តត្បូងឃ្មុំ ដោយលទ្ធផល ៣-០ ក្នុងវគ្គផ្ដាច់ព្រ័ត្រ នៅល្ងាចថ្ងៃទី២៣ ខែតុលា ឆ្នាំ២០២១។
៣គ្រាប់ជ័យជំនះរបស់ក្រុមកោះកុងអេហ្វស៊ី សម្រេចដោយកីឡាករ ប៉ែន បញ្ញាវឌ្ឍ នៅនាទី៣៨, វិសាល ជៀន នៅនាទី៨១ និងគ្រាប់ចុងក្រោយដោយបាល់ពិន័យ១១ម៉ែត្រ តាមរយ:កីឡាករ ពៅ ភារិទ្ធ នាទី៩០+៣។
គួរបញ្ជាក់ឲ្យដឹងថាខេត្តត្បូងឃ្មុំ បានឡើងមកដល់វគ្គផ្តាច់ព្រ័ត្រនេះ៣ឆ្នាំជាប់ៗគ្នាពោលគឺនៅឆ្នាំ ២០១៩,២០២០,២០២១ ប៉ុន្តែឈ្នះបានតែ១លើកប៉ុណ្ណោះ និងបរាជ័យ២លើក៖
– ខេត្តត្បូងឃ្មុំ ម្ចាស់ជើងឯកឆ្នាំ២០១៩
– ខេត្តព្រៃរែង ម្ចាស់ជើងឯកឆ្នាំ២០២០
– ខេត្តកោះកុង ម្ចាស់ជើងឯកឆ្នាំ២០២១៕
