ព្រឹត្តិការណ៍កីឡាបាល់ទះ «WURKZ បាល់ទះសប្បុរសធម៌ » មានក្លិបបាល់ទះធំៗ ចំនួនចូលរួម រួមមាន៖ សមាគមកីឡាបាល់ទះវិសាខា សមាគមកីឡាបាល់ទះក្រសួងមហាផ្ទៃ ក្លិបបាល់ទះបញ្ជាការដ្ឋានអង្គរក្ស និងក្លិបបាល់ទះស្នងការរាជធានីភ្នំពេញ។
ការប្រកួតធ្វើឡើងចំនួន១ថ្ងៃប៉ុណ្ណោះ គឺនៅថ្ងៃសៅរ៍ ទី១៧ ខែមករា ឆ្នាំ២០២៦ ផ្ដើមពីម៉ោង ៨:៣០នាទីព្រឹកតទៅ នៅទីលានកីឡាបាល់ទះក្នុងវិមាន នៃពហុកីឡដ្ឋានជាតិអូឡាំពិក ផ្សាយផ្ទាល់ដោយសារព័ត៌មានត្រយង។
តម្លៃសំបុត្ររួមមានដូចជា៖
- តំបន់អង្គុយផ្នែកខាងលើ តម្លៃ ៥០០០រៀល
- តំបន់អង្គុយផ្នែកខាងក្រោម តម្លៃ ១០០០០រៀល
កម្មវិធីប្រកួត៖
សម្រាប់ទឹកប្រាក់ដែលអ្នកគាំទ្របានបរិច្ចាគទាំងអស់ នឹងត្រូវយកទៅជួយឧបត្ថម្ភបងប្អូនជនភៀសសឹក ទាំងស្រុងដែលពុំទាន់ អាចវិលត្រលប់ទៅផ្ទះវិញបានក្នុងការជួយសម្របសម្រួល ក្នុងការរស់នៅរបស់ពួកគាត់ ដោយរៀប ចំសាងសង់ បន្ទប់ទឹក ទឹកស្អាត និងអនាម័យផ្សេងៗ៕