រាជវាំង បាក់ឃីងហាម (Bucklingham) បានប្រកាសកាលពីថ្ងៃអាទិត្យម្សិលម៉ិញថា មហាក្សត្រីយានី Elizabeth ទី២ វិជ្ជមានមេរោគកូវីដ១៩ ជាលើកទី២។
ព្រះបរមរាជវាំង បាននិយាយថា មហាក្សត្រីយានីវ័យ ៩៥ឆ្នាំរូបនេះ បានចាក់វ៉ាក់សាំងគ្រប់ដូស ហើយទើបតែប្រារព្ធខួបលើកទី ៧០ នៃការឡើងគ្រងរាជ្យសម្បត្តិ ខណៈដែលព័ត៌មានអំពីកាលបរិច្ឆេទនៃការចាក់មិនត្រូវបានបង្ហាញ ដោយលើកឡើងពីឯកជនភាពផ្នែកវេជ្ជសាស្រ្ត។
![](https://cdn.troryorng.com/wp-content/uploads/2022/02/28124101/image_2022-02-21_12-59-49.png)
ប្រព័ន្ធផ្សព្វផ្សាយចក្រភពអង់គ្លេសបានរាយការណ៍ថា ព្រះមហាក្សត្រីយានី កំពុងតែចេញរោគសញ្ញាស្រាលដូចជាជំងឺផ្ដាសាយ ហើយទ្រង់នឹងទទួលការយកចិត្តទុកដាក់តាមដានព្រះសុខភាព ហើយនឹងធ្វើតាមការណែនាំតាមក្បួនវេជ្ជសាស្ត្រ។ ប៉ុន្ដែទោះជាយ៉ាងណា ទ្រង់នៅតែបន្ដបំពេញព្រះរាជកិច្ចនៅឯវិមាន Windsor នៅសប្ដាហ៍ខាងមុខដដែល។
![](https://cdn.troryorng.com/wp-content/uploads/2022/02/28124100/image_2022-02-21_13-00-25-1024x576.png)
ជាមួយគ្នាដែលគ្រួសាររាជវង្សកំពុងតែមានក្ដីព្រួយបារម្ភជាថ្មី ព្រោះតែប៉ុន្មានថ្ងៃចុងក្រោយនេះសមាជិកគ្រួសារជាច្រើនបានធ្វើតេស្ដវិជ្ជមានវីរុសកូវីដ និង ត្រូវព្យាបាលជាបន្ដបន្ទាប់។
![](https://cdn.troryorng.com/wp-content/uploads/2022/02/28124059/image_2022-02-21_13-00-38.png)
ព្រះអង្គម្ចាស់ Charles ដែលជាអ្នកស្នងរាជ្យរបស់ចក្រភពងអង់គ្លេស និងជាព្រះរាជបុត្រារបស់មហាក្សត្រីយានី Elizabeth បានធ្វើតេស្ដវិជ្ជមានកូវីដ១៩ ជាលើកទី២ ដែរ កាលពី ១០ថ្ងៃមុន ខណៈដែលព្រះមហេសីរបស់ទ្រង់ក៏បានបញ្ជាក់ថានាងមានផ្ទុកមេរោគនេះផងដែរ នេះបើយោងតាមការផ្សព្វផ្សាយរបស់សារព័ត៌មាន CNN ៕
ប្រភព៖ CNN
![Telegram-Troryorng](https://troryorng.com/wp-content/uploads/2021/05/Troryorng-Telegram-1-1024x126.jpeg)