ដំណឹងល្អ! យុវជនអាយុក្រោម១៥ឆ្នាំកម្ពុជា២រូប នឹងមានឱកាសទៅហ្វឹកហាត់នៅប្រទេសជប៉ុន

ឱកាសសម្រាប់ប្អូនៗដែលស្រឡាញ់ និងចង់ក្លាយខ្លួនជាកីឡាករបាល់ទាត់អាជីព សូមចូលរួមតេស្តសមត្ថភាពទាំងអស់គ្នា ដើម្បីទទួលបានឱកាសទៅហ្វឹកហាត់នៅប្រទេសជប៉ុនផ្ទាល់ ក្រោមការគ្រប់គ្រង និងចំណាយទាំងអស់ ក្នុងកម្មវិធី “𝗣𝗢𝗖𝗔𝗥𝗜 𝗦𝗪𝗘𝗔𝗧 𝗝𝗮𝗽𝗮𝗻 𝗬𝗼𝘂𝘁𝗵 𝗗𝗿𝗲𝗮𝗺 𝗖𝗵𝗮𝗹𝗹𝗲𝗻𝗴𝗲”។

ក្នុងឆ្នាំ 2022​​ នេះក្លិបបាល់ទាត់ Angkor Tiger បានជូនដំណឹងនូវកម្មវិធី “POCARI SWEAT Japan Youth Dream​Challenge” ដើម្បីគាំទ្រដល់ក្តីស្រមៃរបស់យុវជននៅក្នុងប្រទេសកម្ពុជាដោយកម្មវិធីនេះមានការសហការជាមួយក្រុមហ៊ុន Otsuka Pharmaceutical Co., Ltd, Otsuka Nutraceutical (Thailand) Co., Ltd និងក្រុមលីគកំពូលជប៉ុនទី២ TOKUSHIMA VORTIS។

– ពត៌មាន៖
កម្មវិធីនេះនឹងធ្វើឡើងនៅក្នុងខែមិថុនា និង ខែកក្កដា ឆ្នាំ2022 នៅទីតាំងចំនួនបីក្នុងប្រទេសកម្ពុជា
(ខេត្តសៀមរាប រាជធានីភ្នំពេញ ខេត្តបាត់ដំបង) សម្រាប់យុវជនដែលមានអាយុពី ១៤ ទៅ ១៥ ឆ្នាំទូទាំងប្រទេសកម្ពុជា។ ការធ្វើតេស្តលើកទី១ នឹង ធ្វើឡើងនៅក្នុងខេត្តបាត់ដំបងនាថ្ងៃអាទិត្យ ទី២៦​ ខែមិថុនា ឆ្នាំ២០២២ សម្រាប់ខេត្តសៀមរាបនាថ្ងៃអាទិត្យ ទី០៣ ខែកក្កដា និងរាជធានីភ្នំពេញនាថ្ងៃអាទិត្យ ទី១០​ ខែកក្កដា។ ហើយការ​ជ្រើស​រើស​ចុង​ក្រោយ​នឹង​ធ្វើ​ឡើង​នៅ​ខេត្ត​សៀមរាប​នៅ​ពាក់កណ្តាល ​ខែ​កក្កដា ឆ្នាំ ២០២២។ គម្រោងខាងលើនេះគឺមានឈ្មោះជាភាសាឡាតាំង ថា៖«POCARI SWEAT Japan Youth Dream Challenge» ពួកយើងនឹងខិតខំប្រឹងប្រែងក្នុងការប្រើប្រាស់ភាពខ្លាំង របស់ពួកយើងដើម្បីគាំទ្រជំរុញដល់ផ្នែកកីឡា និងសមត្ថភាពកីឡាបាល់ទាត់ ហើយពួកយើងនឹងជួយគាំទ្រនូវផ្នែកសុខភាព ក៍ដូចជារបបអាហារ និងការខ្សោះជាតិទឹកនៅក្នុងប្រទេសកម្ពុជា និងក្នុងប្រទេសជប៉ុន ជាមួយនឹងការគាំទ្រយ៉ាងល្អបំផុតដោយមានការសហការគ្នារវាងក្រុមហ៊ុនទាំងបួនដូចដែលបានរៀបរាប់ខាងលើ។

– គោលបំណង៖
បាល់ទាត់​ជា​កីឡា​ដែល​ពេញ​និយម​បំផុត​នៅក្នុងប្រទេស​កម្ពុជា។ ពួកយើងមានគោលបំណងផ្តល់នូវការបង្កើនភាពក្លាហាន ដើម្បីបោះជំហានទៅមុខក្នុងការបង្កើតនូវឱកាសប្រកួតប្រជែងជាសកលដោយស្មើភាពគ្នាសម្រាប់យុវជនទូទាំងប្រទេសកម្ពុជា។ កីឡាករដែរត្រូវបានជ្រើសរើស និងអ្នកដែលនៅជុំវិញខ្លួនយើង ចង់អោយពួកគាត់មាន ក្តីសុបិន និងក្តីសង្ឃឹមជាច្រើនដើម្បីឈានទៅមុខជំហាន ដំបូង។

– តួនាទីសំខាន់ផ្សេងៗ៖
ក្លិបបាល់ទាត់​ Angkor Tiger ក្នុងនាមជា​ក្រុម​បាល់ទាត់​អាជីព​ដែល​ស្ថិត​ក្នុង​លីគ​កំពូល​កម្ពុជា ព្រមទាំងបុគ្គលិក
និងកីឡាករនឹងទទួលខុសត្រូវលើការជ្រើសរើសយុវជនដោយប្រើប្រាស់ចំណេះដឹងទៅលើបាល់ទាត់ ក៏ដូចជាការផ្សព្វផ្សាយនាៗក្នុងស្រុក ។

ក្រុមហ៊ុន​ Otsuka Pharmaceutical, Otsuka Nutraceutical (Thailand) Co., Ltd. ដែលជាអ្នកចែកចាយ POCARI SWEAT នឹងទទួលខុសត្រូវចំពោះការគាំទ្រផ្នែក សុខភាព ក៍ដូចជាជីវជាតិ និងការខ្សោះជាតិទឹក រួមទាំងការផ្លាស់ប្តូរវប្បធម៌ និងការគាំទ្រពេញទំហឹងសម្រាប់គម្រោងមួយនេះ។

ចំណែកឯ TOKUSHIMA VORTIS នឹងទទួលការគាំទ្រក្នុងការផ្លាស់ប្តូរវប្បធម៌ ក្នុងការប្រកួតបាល់ទាត់ នៅប្រទេសជប៉ុន៕

ចូលទៅកាន់តំណរភ្ជាប់សម្រាប់ការចុះឈ្នោះតាមប្រព័ន្ធអនឡាញ: https://forms.gle/6soDuBSLj9W5M8MM7