ព្រះមហាក្សត្រិយានី Elizabeth II មិនត្រឹមតែជាម្ចាស់ក្សត្រីយ៍របស់ចក្រភពអង់គ្លេសតែ ១ ប៉ុណ្ណោះទេ ទ្រង់ក៏ជាម្ចាស់ក្សត្រីយ៍ ព្រះប្រមុខរដ្ឋរបស់នៃប្រទេស ស្កុតឡែន អៀរឡង់ខាងជើង វែល និង ប្រទេសផ្សេងៗក្នុង Commonwealth realm ផ្សេងទៀតដូចជា ៖ កាណាដា , នូវែលសេឡង់ , ចាម៉ៃកា , អូស្រ្តាលី , ប៉ាពួញូហ្គីណេ , បាហាម៉ាស , ហ្រ្គេណាដា , កោះសាឡូម៉ូន , ទូវ៉ាលូ , St Luvcia , St Vincent and Grenadines , Belize , អង់ទីហ្គា និង បាប៊ុយដា និងប្រទេស សាំងឃីត និង ណេវីស។ នេះបើយោងតាមការស្រាវជ្រាវរបស់គេហទំព័របរទេស Nas Daily។
![](https://cdn.troryorng.com/wp-content/uploads/2022/09/28073251/queenelizabethii_111121ap-file-steve-parsons-pool_obit-prewrite_bw-half.webp)
នៅពេលព្រះមហាក្សត្រិយានី Elizabeth II សោយព្រះវិលាល័យ អ្វីៗត្រូវបានផ្លាស់ប្ដូរ។ តើមានអ្វីខ្លះត្រូវបានផ្លាស់ប្ដូរ បន្ទាប់ពីព្រះរាជបុត្រាច្បង ឡើងសោយរាជ្យក្លាយជាព្រះមហាក្សត្រថ្មីរបស់ចក្រភពអង់គ្លេស?
១) ភ្លេងជាតិ៖ ភ្លេងជាតិរបស់ចក្រភពអង់គ្លេសត្រូវបានផ្លាស់ប្ដូរពី God Save The Queen មកជា God Save The King។
![](https://cdn.troryorng.com/wp-content/uploads/2022/09/28073248/maxresdefault-1024x576.jpg)
២) រូបិយប័ណ្ណ និង តែម ៖ ឈប់បោះពុម្ភរូបិយប័ណ្ណចាស់ ព្រះឆាយាល័ក្ខណ៍ម្ចាស់ក្សត្រីយ៍នៅលើរូបិយប័ណ្ណ និង តែម ត្រូវបានប្ដូរមកជា ព្រះឆាយាល័ក្ខណ៍ព្រះមហាក្សត្រថ្មី។
![](https://cdn.troryorng.com/wp-content/uploads/2022/09/28073247/c1b2edf8-5a81-400a-b382-c2c490c2f8db_1140x641-1024x576.jpg)
៣) លិខិតឆ្លងដែន៖ បាវចនាជាតិនៅលើលិខិតឆ្លងដែន ឬ អ្វីផ្សេងៗដែលមានពាក់ព័ន្ធនឹងពាក្យថា ម្ចាស់ក្សត្រីយ៍ ត្រូវប្ដូរមកជា ព្រះមហាក្សត្រ។
![](https://cdn.troryorng.com/wp-content/uploads/2022/09/28073247/UK-Passport.jpg)
៤) មួកប៉ូលីស ៖ ព្រះសង្ហានៅលើមួករបស់ប៉ូលីសនៃចក្រភពអង់គ្លេសត្រូវបានប្ដូរពីអក្សរ ER (Elizabeth Regina) មកជាអក្សរ CR III (Charles Rex)។
![](https://cdn.troryorng.com/wp-content/uploads/2022/09/28073246/Police-helmet.jpg)
៥) ការយាងសោយព្រះវិលាល័យរបស់ម្ចាស់ក្សត្រីយ៍នឹងធ្វើឲ្យពិភពលោកផ្លាស់ប្ដូរ ដោយប្រទេសចំនួន ៦ ដែលធ្លាប់ស្ថិតក្រោមការគ្រប់គ្រងរបស់ចក្រភពអង់គ្លេស បានធ្វើប្រជាមតិ បំបែកខ្លួនជារដ្ឋឯករាជ្យ មានដូចជា៖ បេលីស បាហាម៉ា ចាម៉ៃកា ហ្រ្គេនដា អង់ទីហ្គា បាប៊ុយដា រួមទាំង សាំងឃីត និង ណេវីស។
![](https://cdn.troryorng.com/wp-content/uploads/2022/09/28073243/what-can-the-world-expect-from-king-charles-iii-1568181212384034817-1024x576.webp)
ថ្វីត្បិតជាមានការផ្លាស់រូបិយប័ណ្ណ និង លិខិតឆ្លងដែន ក៏ពិតមែន ប៉ុន្ដែ រូបិយប័ណ្ណ និង លិខិតឆ្លងដែន ចាស់ៗនៅតែអាចប្រើប្រាស់បានដដែល។
សូមជម្រាបថា ព្រះមហាក្សត្រិយានី Elizabeth II បានយាងសោយព្រះវិលាល័យកាលពីរសៀលថ្ងៃទី ០៨ ខែ កញ្ញា ឆ្នាំ ២០២២ (ម៉ោងនៅចក្រភពអង់គ្លេស) នៅព្រះរាជដំណាក់ទីប្រថាប់ឯប្រទេសស្កុតឡែន ក្នុងព្រះជន្មាយុ ៩៦ព្រះវស្សា ទ្រង់គឺជាព្រះមហាក្សត្រិយានីគ្រងរាជ្យសម្បត្តិបានរយៈពេល ៧០ឆ្នាំ និង ២១៤ថ្ងៃ និងបានក្លាយជាព្រះមហាក្សត្រិយានីគ្រងរាជ្យសម្បត្តិបានយូរជាងគេបង្អស់លើពិភពលោក និង យូរជាងគេបង្អស់លំដាប់ទី២ ក្នុងប្រវត្តិសាស្រ្តមនុស្សជាតិ៕
ប្រភព៖ Nas Daily
![](https://troryorng.com/wp-content/uploads/2022/05/Troryorng-Telegram-1-1024x126-1.webp)