ក្រុម Duck Rice Esports បានបញ្ចប់ទៅដោយលទ្ធផលទទួលបានចំណាត់ថ្នាក់លេខ៥ នៃការប្រកួត 2024 MPL-KH S6 វិញ្ញាសា Mobile Legends: Bang Bang ក្រោយយកឈ្នះ Pro Esports ក្នុងលទ្ធផល ៣-១ នៅក្នុងវគ្គ Playoff កាលពីថ្ងៃទី១៦ ឧសភា។
ថ្វីត្បិតបើមិនអាចបន្ដក្ដីស្រមៃដើម្បីដណ្ដើមពាន MPL KH S6 បាន តែក្រុម Duck Rice Esport ធ្វើបានយ៉ាងល្អនៅក្នុងការប្រកួតវគ្គសន្សំពិន្ទុ (Regular Season) ឡើងមកកាន់វគ្គ Playoff ក្នុងការឈានជើងមកកាន់ MPL-KH S6 ជាលើកទី១នេះ។
នៅក្នុងការប្រកួតទី១ វគ្គ Playoff ក្រុម Duck Rice Esports បានបរាជ័យក្នុងលទ្ធផល ៣-០ ក្រោមថ្វីដៃរបស់ D-Roar Legend។ សម្រាប់លទ្ធផលនេះ នឹងធ្វើអោយ D-Roar ឡើងទៅជួប Flash KH នៅវគ្គ Upper Bracket Semifinals ក្នុងការប្រកួត ថ្ងៃទី១ នៃ MPL KH S6 វគ្គ Playoffs។
Duck Rice Esport ទទួលបានកៅអីចូលមកកាន់ 2024 MPL-KH 6 ដែលជាលើកដំបូងដែលបានឈានមកកាន់ 2024 MPL-KH បន្ទាប់ពីធ្វើការប្រកួតប្រជែង MPL KH Challenger Cup 2024 លើ វិញ្ញាសា Mobile Legends: Bang Bang អស់រយ:ពេលពេញ ១ខែ។
បន្ទាប់ពីធ្វើការប្រកួតប្រជែង MPL KH Challenger Cup 2024 លើ វិញ្ញាសា Mobile Legends: Bang Bang អស់រយ:ពេលពេញ ១ខែចាប់ពីថ្ងៃទី៤ មករា ដល់ថ្ងៃទី៤ កុម្ភ: ដោយបានដឹកដៃក្រុម Team SV ឡើងមកកាន់កៅអី 2024 MPL-KH សម្រាប់រដូវកាលទី៦នេះ។
កម្មវិធីប្រកួតវគ្គ Playoff ថ្ងៃទី២៖
សម្រាប់ការប្រកួត 2024 MPL-KH Season 6 វិញ្ញាសា Mobile Legends: Bang Bang ក្រុមដែលជាម្ចាស់ជើងឯកនឹងមានកៅអីនៅប្រកួតនៅ Mid Season Cup (MSC) ដែលនឹងត្រូវធ្វើឡើងនៅទីក្រុម Riyadh ប្រទេស អារ៉ាប់ប៊ីសាអ៊ូឌីត ដែលមានប្រាក់រង្វាន់សរុបប្រមាណជា ៣លានដុល្លារ៕
