ក្នុងជំនួបដ៏តានតឹងនៅវគ្គផ្ដាច់ព្រ័ត្រ 2024 MPL KH Season 6 កាលពីថ្ងៃទី១៩ ឧសភា បានបញ្ចប់ប ដោយ ក្រុម See You Soonបានយកឈ្នះ D-Roar Esports ក្នុងលទ្ធផល ៤ទល់និង ២ ក្លាយជាម្ចាស់ជើងឯក និងជាក្រុមតំណាងកម្ពុជា ទៅដណ្ដើប្រាក់រង្វាន់ ១លានដុល្លារនៅ អារ៉ាប់ប៊ីសាអ៊ូឌីត។
![](https://cdn.troryorng.com/wp-content/uploads/2024/05/27124536/fghfgy-1024x576.jpg)
See You Soon ធ្វើបានយ៉ាងល្អបន្ទាប់ពីឆ្លងកាត់ ៣ប្រកួតនៅក្នុងវគ្គ Playoff ដោយបានយកឈ្នះ Pro Esports ក្នុងលទ្ធផល ៣-១ នៅថ្ងៃទី១។ ឈានដល់ថ្ងៃទី២ ក្រុម See You Soon បាន បំបាក់ក្ រុមលេខ១ CFU Gaming ក្នុងលទ្ធផល ៣-០ និងបន្តយកឈ្នះក្រុមខ្លាំង Flash KH ក្នុងលទ្ធផល ៣-០ នៅក្នុងថ្ងៃតែ១ កក់កៅអីវគ្គផ្ដាច់ព្រ័ត្រ Grand Final។
សម្រាប់ជ័យជម្នះនេះ គឺជាការគ្រងពានជាលើកទី៣ ផងដែររបស់ក្រុមSee You Soon ដោយលើកដំបូង នៅរដូវកាលទី១ MPL KH Season 1 និងលើកទី២ នៅរដូវកាលទី៥ MPL Cambodia Autumn 2023 និងលើទី៣ នៅរដូវកាលទី៦នេះ MPL KH Season 6។
![](https://cdn.troryorng.com/wp-content/uploads/2024/05/27124535/%E1%9E%9A%E1%9E%8F%E1%9E%99%E1%9F%81%E1%9E%9A%E1%9E%99%E1%9F%81-1024x670.jpg)
ការប្រកួត The Mobile Legends: Bang Bang Professional League – Cambodia (MPL-KH) គឺជាការប្រកួតលំដាប់កំពូលក្នុងវិញ្ញាសារ Mobile Legends: Bang Bang ដែលប្រមូលផ្តុំទៅដោយ កំពូលកីឡាករអាជីពទាំង ៥សប្ដាហ៍ និងវគ្គ Play Offs។
ការប្រកួត MPL-KH មានការចូលរួមពី ៨ក្រុមខ្លាំហើយបានប្រមូលផ្តុំទៅដោយកីឡាករអាជីពទាំងក្នុង និងកីឡាករអាជីពពីបរទេសចូលរួមជាច្រើន៖ក្រុម SEE YOU SOON, CFU GAMING, BURN X FLASH (FLASH KH), TEAM MAX, D-ROAR Legends, PRO ESPORTS, TEAM SV និងក្រុម Duck Rice Esport។
ក្នុងនោះសម្រាប់ចំណាត់ថ្នាក់ ក្រុមលេខ១ ដល់លេខ៨ រួមមាន៖
- ក្រុមជើងឯក៖ See You Soon ទទួលបានប្រាក់រង្វាន់ ១ ៦០០០ដុល្លារ (MSC 2024)
- ក្រុមលេខ២៖ D-Roar Esports ទទួលបានប្រាក់រង្វាន់ ៨ ០០០ដុល្លារ
- ក្រុមលេខ៣៖ Team Flash KH ទទួលបានប្រាក់រង្វាន់ ៥ ០០០ដុល្លារ
- ក្រុមលេខ៤៖ CFU Gaming ទទួលបានប្រាក់រង្វាន់ ៣ ៥០០ដុល្លារ
- ក្រុមលេខ៥៖ Duck Rice Esport ទទួលបានប្រាក់រង្វាន់ ២ ៥០០ដុល្លារ
- ក្រុមលេខ៦៖ PRO Esports ទទួលបានប្រាក់រង្វាន់ ២ ០០០ដុល្លារ
- ក្រុមលេខ៧៖ Team Max ទទួលបានប្រាក់រង្វាន់ ១ ៥០០ដុល្លារ
- ក្រុមលេខ៨៖ Team SV ទទួលបានប្រាក់រង្វាន់ ១ ៥០០ដុល្លារ
![](https://cdn.troryorng.com/wp-content/uploads/2024/05/27124534/75474-1024x1024.jpg)
សម្រាប់ការប្រកួតនៅ MLBB Mid Season Cup 2024 ហៅកាត់ MSC ដែលក្រុម See You Soon នឹងទៅចូលរួមប្រកួតប្រជែង មានក្រុមខ្លាំងៗជាច្រើនមកពីជុំវិញពិភពលោក សរុបចំនួន ២៣ក្រុម ដែលមាន ៨ក្រុមត្រូវប្រកួតជម្រុះនៅវគ្គ Wild Card ដើម្បីយកជើងខ្លាំង ១៥ក្រុម ឡើងទៅវគ្គ Group Stage ប្រកួតដណ្ដើមជើងឯក។
គួរបញ្ជាក់ផងដែរថា កាលប្រកួតនៅ Mid Season Cup (MSC) ដែលនឹងត្រូវធ្វើឡើងនៅទីក្រុម Riyadh ប្រទេស អារ៉ាប់ប៊ីសាអ៊ូឌីត ដែលប្រព្រឹត្តិទៅចាប់ពីថ្ងៃទី២៦ ខែមិថុនា រហូតដល់ថ្ងៃទី៧ ខែកក្កដា ឆ្នាំ២០២៤ ខណ:មានប្រាក់រង្វាន់សរុបប្រមាណជា ៣លានដុល្លារ៕
![](https://cdn.troryorng.com/wp-content/uploads/2024/05/27124847/6767-1-1024x683.jpg)
![](https://cdn.troryorng.com/wp-content/uploads/2024/04/27142737/Troryorng-Telegram-1-1024x126-1-1-1-1.jpg)