កាលពីល្ងាចមិញនេះ (១៥ មិថុនា) មានរឿងរ៉ាវរញ្ជួយបណ្ដាញសង្គម ដែលធ្វើឱ្យមានការចាប់អារម្មណ៍ច្រើនពីសំណាក់អ្នកនិយមលេងអ៊ិនធឺណិតនិងតាមដានជីវិតតារា ដោយសារគូស្នេហ៍របស់តារាសម្ដែងអេដវីនបានចេញមកផុសស្នាមរបួសនិងដាក់បន្ទុកលើលោកអេដវីនថាជាជនបង្ក។
សូមចុចអាន បកអាក្រាតខ្ទេច សុទ្ធ បញ្ចកា ភរិយា អេដវីន បង្ហោះសារឈឺចាប់ និងស្នាមរបួស!
តែបើងាកទៅមើលខាងលោកអេដវីនវិញ លោកក៏មិនបាននៅស្ងៀមដែរដោយលោកបានចូលមកតបតក្រោមផុសរបស់អ្នកនាង សុទ្ធ បញ្ចកា លាតត្រដាងការពិតនៅពីក្រោយរឿងរ៉ាវដែលឈានដល់ការបង្កឱ្យកើតមានរឿងរ៉ាវផ្អើលបណ្ដាញសង្គម។
ក្នុងខមមិនលោក អេដវីន បានសរសេររៀបរាប់ថា « គេនាំគ្នាលេងចាក់ទឹកដូងក្នុងបន្ទប់នឹងណាបង ហើយខ្ញុំទៅទាន់សុំគេងលេងដែរ គេអត់ឱ្យលេង ហើយដៃគូគេវាយខ្ញុំបែកភ្នែក ហើយគាត់ក៏បោះសោរឡានឱ្យគេរត់ទៀត សប្បាយលេងទេបង»។
មុនផ្ទុះសង្គ្រាមស្នេហា ប្រើប្រាស់ហិង្សា ផ្អើលបណ្ដាញសង្គម លោក អេដវីន ធ្លាប់បានបង្ហោះសំណេរ រៀបរាប់ពីជិវិតគូ ជីវិតស្នេហាជួបរឿងផិតក្បត់ ដែលធ្វើឱ្យមហាជនមានការចាប់អារម្មណ៍ខ្លាំងរួចមកហើយ។
សំណេរដែល លោក អេដវីន តួឯកប្រុសដ៏ល្បីពីភាពយន្តភាគខ្មែរល្បីៗជាច្រើនរឿង បានរៀបរាប់យ៉ាងលម្អិតតាមលំដាប់លំដោយដូចខាងក្រោមនេះ៖
«កុំស្មោះពេកអាឈឹម ស៊ីបានស៊ីទៅសម័យនេះហើយណ៎ា លាងទឹកស្អាតទេ ហើយបើលាងមិនស្អាតទេ ហៅគេមកជួយលាងដល់ក្នុងបន្ទប់មក មានអីពិបាក ពេទ្យច្រើនណាស់ឥឡូវដែលលាងដល់បន្ទប់ហ៎ #ក្នុងកុនទេ» សំណេរនេះលោកបានបង្ហោះនៅថ្ងៃទី ១ ខែមិថុនា ឆ្នាំ២០២១។
ខណៈនៅថ្ងៃទី៤ ខែមិថុនា លោកបានបន្តបង្ហោះសំណេរដែលមានអត្ថន័យប្លែកចំនួន៣ ដងដែលមានអត្ថន័យនិងខ្លឹមសារទាំងស្រុងយ៉ាងដូច្នេះ
«ថាកុំឱ្យខ្ញុំដល់ករ តែដល់ករអាណាក៏ដោយ ក៏ខ្ញុំអត់ទុកមុខដែរ ជីវិតមួយដូចគ្នាទេ មួយជំហានដល់ដូចគ្នា»
«កុំទឹកចិត្តមេឃ កុំទុកចិត្តផ្កាយ កុំទុកចិត្តប្រពន្ធថាគ្មានសាហាយ កុំទុកចិត្តម្ដាយថាគ្មានបំណុល ខ្ពើមខ្លួនឯងណាស់»
«ខ្ពើមចុយម្រាយហើយ អញអើយ ធ្វើអីក៏ដោយឱ្យចេះគិតគូរកិត្តិយស គ្រួសារ និងកូនៗផង ខ្ញុំប្រាប់តែប៉ុណ្នឹងទេ ប្រយ័ត្នងាប់ដោយសារតែ…អាហ្នឹងទៅ ស្មាលាហើយញោមអើយ»
ទាំងអស់នេះគឺជាការលើកឡើងរបស់លោក អេដវីន ឆ្លើយតបទៅនឹងការចោទប្រកាន់របស់អ្នកនាង សុទ្ធ បញ្ចកា ភរិយាមិនទាន់រៀបការលោក ដែលបានចោទប្រកាន់លោកថាបានប្រើប្រាស់ហិង្សាមកលើរូបអ្នកនាង។
មកដល់ពេលនេះ ភាគីអ្នកនាង សុទ្ធ បញ្ចកា មិនទាន់ចេញមកបកស្រាយឬឆ្លើយតបបែបណាទៀតចំពោះករណីហែកហួរគ្នានេះនៅឡើយទេ៕