មូលនិធិភាពយន្ត The Red Sea ដែលជាអង្គភាពនៃសហគមន៍អារ៉ាប់ បានដាក់ចេញនូវមូលនិធិ The Red Sea ដែលមានទឹកប្រាក់ចំនួន ១០លានដុល្លារ ក្នុងគោលបំណងគាំទ្រនិងជួយផ្គត់ផ្គង់ដល់អ្នកដឹកនាំមកពីអារ៉ាប់និងអាហ្វ្រិក។
សូមចុចអាន រឿងពិត ២០ ចំណុច គួរឱ្យចាប់អារម្មណ៍របស់ភាពយន្ត «Titanic» ដែលអ្នកនៅមិនទាន់បានដឹង!
មូលនិធិនេះគ្រោងនឹងទ្រទ្រង់ដល់គម្រោងឯកសារជាង ១០០ ក្នុងឆ្នាំដំបូងក៏ដូចជាការផលិតចេញនូវមាតិកាផ្សេងៗ ក្នុងនោះក៏មានបើកឱ្យអ្នកផលិតភាពយន្តខ្នាតខ្លី (Short Film) មកពីប្រជាជាតិអារ៉ាប់ផងដែរ។
«នេះគឺជាការជួយឱ្យវិស័យភាពយន្តនៅអារ៉ាប់និងអាហ្វ្រិកមានការរីកចំរើន ពិតជាការឆ្លើយតបមួយដ៏រំភើបណាស់» ប្រធានផ្នែកសិល្បៈថ្មីដែលទើបនឹងតែងតាំងលោក Edouard Waintrop បានថ្លែងដោយសេចក្ដីអំណរទៀតថា៖
«មូលនិធិ The Red Sea នឹងធ្វើការជ្រើសរើសភាពយន្ត ការផលិតមាតិកាវីដេអូ ដើម្បីជួយដល់ការការអភិវឌ្ឍ ផលិតកម្ម មុនផលិតកម្ម និង ក្រោយផលិតកម្មថតភាពយន្តនៅទូទាំងអារ៉ាប់និងអាហ្វ្រិក។»
តាមពិតកម្មវិធី បើកសម្ពោធកម្មវិធី The Red Sea International Film Festival (ពិធីបុណ្យភាពយន្តអន្តរជាតិសមុទ្រក្រហម) គ្រោងនឹងធ្វើនៅ Jeddah នៅអំឡុងខែ វិច្ឆិកា ចាប់ពីថ្ងៃទី ១១ ដល់ថ្ងៃទី២០ បន្ទាប់ពីបានលើកពេលពីគម្រោងរៀបចំដំបូងនៅកំឡុងខែមេសាកន្លងមក ដោយសារតែបញ្ហាការរីករាលដាលនៃជំងឺកូវីដ-១៩
«មូលនិធិ The Red Sea Fund នឹងក្លាយទីតាំងចំបងមយយសម្រាប់ជួយផ្សព្វផ្សាយឧស្សាហកម្មភាពយន្តអារ៉ាប់និងអាហ្វ្រិក។ ជាងពីរទសវត្សរ៍កន្លងមកនេះយើងមើលឃើញពីភាពវិវត្តនិងរីកសាយភាពដូចជាផ្ការបស់ឧស្សាហកម្មភាពយន្តអារ៉ាប់» នេះគឺជាប្រសាសន៍លើកឡើងរបស់លោកស្រី Shivani Pandya ប្រធានគ្របគ្រងនិងចាត់ចែងពិធីបុណ្យភាពយន្ត The Red Sea ។ មូលនិធិនេះនឹងជួយឧបត្ថម្ភគាំទ្រដល់អាជីវកម្មភាពយន្តអារ៉ាប់និងអាហ្វ្រិក ដើម្បីធ្វើឱ្យមានប្រសិទ្ធភាពកាន់តែខ្លាំងឡើងលើទីផ្សារអន្តរជាតិតាមរយៈការផ្សព្វផ្សាយនិងបង្ហាញនៅខែវិច្ឆិកាខាងមុខនេះ។»
