Kim Yong Ho អតីតអ្នកកាសែតសិល្បៈបែបខ្សឹបខ្សៀវ ដ៏ល្បីរបស់កូរ៉េដែលបានប្រែខ្លួនទៅជា YouTuber ផលិតកម្មវិធីអនឡាញ Garo Sero Institute (ផ្ដោតសំខាន់លើការបកអាក្រាតរឿងអាស្រូវនៅ) ធ្លាប់បានចេញមកប្រកាសម្ដងហើយថា គូស្នេហ៍របស់ Han Ye Seul គឺជាបុរសលក់សេវារាត្រីធ្វើការក្នុងបារ (Bar Host) ហើយត្រូវបានស្រីស្អាត Han Ye Seul តួឯកស្រីកូរ៉េដ៏ល្បីបានចេញមកប្រកាសប្ដឹងលោកនោះ ពេលនេះលោកបន្តចេញមកបកអាក្រាតជាបន្តទៀតថា តួឯកស្រីល្បីរូបនេះពីអតីតកាលធ្លាប់លក់ខ្លួន។
សូមចុចអាន តារាកូរ៉េ ៥រូប ដែលពាក់ព័ន្ធនឹង សារធាតុញៀន ប៊ិះនឹងអស់អនាគត!
នៅក្នុងវីដេអូ Stream មួយនៅលើ YouTube លោក Kim Yong Oh បានចេញមកប្រាប់សាធារណជនថា ពេលនេះលោកកំពុងសប្បាយមើលរឿង «ពាក្យកុហករបស់ Han Ye Seul» ក្រោយលោកបានអង្គុយមើលវីដេអូ Han Ye Seul តាមរយៈ YouTube ដែលក្នុងនោះ គឺបង្ហាញពីខ្សែជីវិតពិតរបស់នាង ខណៈនេះលោកកំពុងប្រមូលភស្តុតាងដើម្បីបកអាក្រាតថាតារាសម្ដែងរូបនេះជាអតីតក្មេង Room Salon (ស្ត្រីលក់សេវាកម្ម)។
សម្រាប់ Room Salon គឺជាពាក្យហៅទីតាំងកម្សាន្តមួយដែលបុរសវ័យចំណាស់កូរ៉េទៅកម្សាន្តសប្បាយ ដោយមានមនុស្សស្រីក្មេងៗ ទៅបំរើចាក់ស្រា ដោយខាងប្រុសអាចឱបថើបស្ទាបអង្អែលបានតាមចិត្ត។ ទីតាំងបែបនេះអាចចាត់ទុកបានថាជាកន្លែងលក់ខ្លួនខុសច្បាប់។
Kim Yong Ho បានលើកឡើងថាលោកទទួលបានអ៊ីម៉ែលពីអ្នកគាំទ្រកម្មវិធីរបស់លោកដែលធ្លាប់ឃើញ Han Ye Seul ធ្វើការនៅ ILGAA ទីតាំង Room Salon មួយនៅប្រទេសកូរ៉េកាលពី២០ឆ្នាំមុន ដោយបុគ្គលក្នុងអ៊ីម៉ែលនោះថែមទាំងនិយាយទៀតថាបុរសដែលទៅទីនោះអ្នកណាក៏ស្គាល់ Han Ye Seul ដែរ ដោយនាងកាលនោះអាចជាបុគ្គលិក Part-Time។
អតីតអ្នកកាសែតរូបនេះថែមទាំងនិយាយទៀតថា Han Ye Seul ប្រើខ្សែនិងខ្លួនប្រាណដើម្បីឈ្នះកម្មវិធីប្រកួត Super Model ឆ្នាំ ២០០១ របស់ស្ថានីយទូរទស្សន៍ SBS ព្រោះនៅថ្ងៃឈ្នះការប្រកួតនោះនិងបានធ្វើជាតារាម៉ូដែលនោះ តារាស្រីរូបនេះបានទៅកាន់សណ្ឋាគារមួយម្ដុំ Itaewon។
Han Ye Seul ចាប់ផ្ដើមប្រឡូកចូលក្នុងសិល្បៈតាមរយៈការប្រកួត Super Model ហើយក្រោយពីទទួលបានរង្វាន់កញ្ញា បានសម្ដែងរឿង «Nonstop4» ដែលជារឿងមួយធ្វើឱ្យកញ្ញាកសាងបានកេរ្តិ៍ឈ្មោះ និងប្រជាប្រិយភាព រហូតទទួលបានតំណែងជាតារាឈានមុខរបស់ប្រទេសកូរ៉េ៕
