សិល្បៈជាតិ៖ នៅក្នុងវិស័យសិល្បៈខ្មែរ មានតារាស្រីមិនច្រើននោះឡើយដែលចេះនិងអាចសម្ដែងឈុតឆាកវាយតប់ មានប្រើក្បាច់គុនបានល្អនិងប៉ិនប្រសព្វ។ ក្នុងចំណោមតារាជាច្រើនរូបនោះគេសង្កេតឃើញថាមានតារាស្រីចំនួន២ដួងដែលលេចធ្លោខ្លាំងនៅក្នុងភាពយន្តបែបវាយតប់ទាត់ធាក់។
ថ្មីៗនេះកញ្ញា សំថារ័ត្ន បានបង្ហោះរូបភាពប៉ុន្មានសន្លឹកដែលថតរួមគ្នាជាមួយនឹងកញ្ញ ពេជ្រ ចរណៃ ដោយម្នាក់ៗមានគ្រងឈុតជានារីចម្បាំងយ៉ាងអង់អាចក្លាហាននៅក្នុងបរិវេណប្រាសាទអង្គរវត្ត។ តួឯកស្រីភាពយន្តវ៉ៃតប់ Jailbreak បានបង្ហោះរៀបរាប់ពីចំណាប់អាម្មណ៍រីករាយដែលមានឱកាសបានគ្រងឈុតអ្នកចម្បាំង ដើម្បីទុកជាអនុស្សាវរីយ៍។
កញ្ញា ថារ័ត្ន បានរៀបរាប់យ៉ាងដូច្នេះថា៖ «មកដល់ភ្នំពេញវិញហើយ មានពេលក៏ឆ្លៀតផុសរូបខ្លះៗ ដែលបានមកពីស្ដេចជាងថត Sovanna Kem Photographyaphy ក្នុងកម្មវិធី រាត្រីចងចាំ កន្លងមក។ 
លើកទីមួយ ដែលបានគ្រងឈុតបែបនេះ។ សូមអរគុណមែនទែនដល់ប្អូន ពេជ្រ ចរណៃ ល្បុក្កតោខ្មែរ និងជំនួយការរបស់គាត់ ដែលបានរៀបចំនិងតុបតែងអោយគ្រប់គ្រឿង 
ពិសេសណាស់ ដែលបានសម្ដែងជុំគ្នាផងដែរ។ បើបងប្អូន ទស្សនិកជន មានរូបឬក៏វីដេអូ សូមជួយផ្ញើអោយមើលផង 
។ កុំតែគេបបួលថតរូប កុំអីគ្មាននឹកឃើញថតបានទុកមើលអុីចឹងទេខ្ញុំអើយ អើយ អើយ 
»។
នៅពីខាងក្រោមការលើកឡើងពីស្ត្រីឆ្នើមផ្នែកគុនល្បុក្កតោរូបនេះ តារាសម្ដែងលំដាប់អន្តរជាតិ Dy Sao ដែលជាកូនខ្មែរសញ្ជាតិអាមេរិក និងជាអ្នកគុននិយមខ្មែរមួយរូបដែលមានឈ្មោះបោះសំឡេងនៅលើឯនាយសមុទ្រក៏បានចូលមកសរសើរដែរថា៖ វ៉ាវ អស្ចារ្យ(Wow Oss Cha!) ខណៈដែលមតិផ្សេងៗទៀតសុទ្ធតែពេញចិត្ត ក៏ដូចជាលើកសរសើរដល់ស្រីស្អាតទាំងពីររូបដែរថា៖ «វីរះនារីក្នុងចិត្តខ្ញុំ សម ថារត្ន័ និង ពេជ្រ ចរណៃ»។
