មានមនុស្ស២នាក់ត្រូវបានឃាត់ខ្លួនខណៈដែល៣នាក់ទៀតបានរត់គេចខ្លួនបាត់ក្នុងករណីប្រើអំពើហិង្សាទៅលើយុវជន ម្នាក់ នៅភូមិពោធិ៍ស្មាត ឃុំជេីងកេីប ស្រុកកណ្ដាលស្ទឹង ខេត្តកណ្ដាលនៅថ្ងៃទី១៨ខែធ្នូឆ្នាំ២០២២នេះ។
ប្រភពពីសមត្ថកិច្ចបានឲ្យដឹងថា ជនរងគ្រោះឈ្មោះ ធី ស្រស់ ភេទប្រុស អាយុ១៨ឆ្នាំ មានទីលំនៅភូមិរានថ្ម ឃុំសៀមរាប ស្រុកកណ្ដាលស្ទឹង ខេត្តកណ្ដាល មុខរបរ កម្មកររោងចក្រ។ ចំណែកជនសង្ស័យនៅក្នុងសំណុំរឿងនេះមានគ្នាចំនួន៥នាក់រួមមាន៖
១.ឈ្មោះ ឈុត វ៉ាន់ថា ភេទប្រុស អាយុ១៨ឆ្នាំ មានទីលំនៅភូមិគោករមៀត ឃុំកណ្តោក ស្រុកកណ្ដាលស្ទឹង ខេត្តកណ្ដាល មុខរបរ មិនពិតប្រាកដ។ (ឃាត់ខ្លួន)
២.ឈ្មោះ វុិត បញ្ញា ភេទប្រុស អាយុ១៦ឆ្នាំ មានទីលំនៅភូមិស្វាយព្រៃ ឃុំកណ្តោក ស្រុកកណ្ដាលស្ទឹង ខេត្តកណ្ដាល មុខរបរ មិនពិតប្រាកដ។ (ឃាត់ខ្លួន)
៣.ឈ្មោះ ហុី សុខេន ភេទប្រុស អាយុ១៩ឆ្នាំ មានទីលំនៅភូមិស្វាយព្រៃ ឃុំកណ្តោក ស្រុកកណ្ដាលស្ទឹង ខេត្តកណ្ដាល។ (គេចខ្លួន)
៤.ឈ្មោះ វ៉ាន់ ភីលីប ភេទប្រុស អាយុ១៦ឆ្នាំ មានទីលំនៅភូមិ ស្វាយព្រៃ ឃុំកណ្តោក ស្រុកកណ្ដាលស្ទឹង ខេត្តកណ្ដាល។ (គេចខ្លួន)
៥.ឈ្មោះ បូរ៉ា សំរ៉ុង ភេទប្រុស អាយុ១៦ឆ្នាំ មានទីលំនៅភូមិ ស្វាយព្រៃ ឃុំកណ្តោក ស្រុកកណ្ដាលស្ទឹង ខេត្តកណ្ដាល។ (គេចខ្លួន)
យោងតាមរបាយការណ៍របស់សមត្ថកិច្ចបានឲ្យដឹងថា នៅថ្ងៃទី១៨ ខែធ្នូ ឆ្នាំ២០២២ វេលាម៉ោង ១៦:០០ នាទីជនសង្ស័យឈ្មោះ វុិត បញ្ញា និង បក្ខពួក ០២នាក់ទៀតឈ្មោះ ឈុត វ៉ាន់ថា និងឈ្មោះ ហុី សុខេន បានជិះម៉ូតូ ០២គ្រឿង ចេញពីផ្ទះ ទៅផឹកសុីនៅលេីស្ពានអាកាសផ្លូវក្រវាត់ក្រុងទី៣ ស្ថិតនៅក្នុងឃុំជេីងកេីប។ ពេលកំពុងផឹកស្រាបៀរអស់ម្នាក់មួយកំប៉ុង ស្រាប់តែឃេីញមិត្តភក្តិរបស់ខ្លួន០២នាក់ ទៀតឈ្មោះ ប៉ូរ៉ា សំរ៉ុងនិងឈ្មោះ វ៉ាន់ ភីលីប ជិះម៉ូតូមកដល់ហេីយបានអង្គុយផឹកនៅទៅនោះ។មួយសន្ទុះក្រោយមកក្រុមជនសង្ស័យបានឃើញក្មេងស្ទាវមួយក្រុមមានគ្នាប្រហែល១០នាក់ មករករឿងដេញកាប់បក្ខពួករបស់ខ្លួន ពេលនោះក្រុមជនសង្ស័យបានជិះម៉ូតូរត់ទៅទិសខាងកេីតតាមផ្លូវក្រវាត់ក្រុងទី៣ ហេីយបត់តាមប្រឡាយលេខ៨៨ សំដៅទៅរមណីយដ្ឋានភូមិត្នោត។ ភ្លាមនោះក្រុមជនសង្ស័យបានជិះមកផ្លូវក្រវាត់ក្រុងទី៣វិញ បានជួបនឹងជនរងគ្រោះជិះម៉ូតូមួយគ្រឿងមានគ្នា ០២នាក់ ភ្លាមនោះជនសង្ស័យឈ្មោះ ឈុត វ៉ាន់ថា បានយកខ្សែក្រវាត់វាយចំក្បាលជនរងគ្រោះជាច្រេីនខ្សែក្រវាត់ បណ្តាលឲ្យបែក ដេរចំនួន ០៣ថ្នេរ ហេីយជនសង្ស័យឈ្មោះ បូរ៉ា សំរ៉ុង និងឈ្មោះ វ៉ាន់ ភីលិប បានយកដុំថ្មគប់ទៅលេីជនរងគ្រោះត្រូវចំអ្នកជិះខាងក្រោយ ហេីយជនសង្ស័យឈ្មោះ វ៉ាន់ ភីលីប បានធាក់ម៉ូតូជនរងគ្រោះបណ្ដាលឲ្យដួល រួចនាំគ្នាជិះគេចខ្លួនបាត់ទៅ។ចំណែកឯជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលជេីងកេីប ក្រោយពីទទួលបានព័ត៌មានកម្លាំងប៉ុស្តិ៍នគរបាលរដ្ឋបាលជេីងកេីប សហការជាមួយកម្លាំងប៉ុស្តិ៍នគរបាលរដ្ឋបាលកណ្តោក បានធ្វេីការស្រាវជ្រាវឃាត់ខ្លួនជនជនសង្ស័យបាន ០២នាក់ បញ្ជូនមកកាន់អធិការដ្ឋាននគរបាលស្រុកកណ្ដាលស្ទឹង ដេីម្បីកសាងសំណុំរឿងតាមនីតិវិធី៕
អត្ថបទ៖តាខ្មៅ