លោកវេជ្ជបណ្ឌិត ក្រុស សារ៉ាត ប្រធានមន្ទីរសុខាភិបាលខេត្តសៀមរាប បានឲ្យដឹងថា «កូវីដ១៩ ប្រភេទ ឥណ្ឌាបំលែងខ្លួន ២ករណី បានមកដល់ខេត្តសៀមរាបហើយ។ សូមមេត្តាប្រុង ប្រយ័ត្នជានិច្ច»។
ប៉ុន្ដែលោកវេជ្ជបណ្ឌិត មិនបានបញ្ជាក់ទេថា កូវីដ១៩ ប្រភេទថ្មី ឥណ្ឌាបំប្លែងខ្លួននេះ កើតមាននៅស្រុកណា តំបន់ណា នៃខេត្តសៀមរាប។ យ៉ាងណាមិញ សារព័ត៌មានត្រយង នឹងធ្វើសេចក្ដីរាយការណ៍បន្ដទៀត ជុំវិញបញ្ហានេះ ប្រសិនបើមានការបញ្ជាក់ពីមន្រ្តីក្រសួងសុខាភិបាល ឬការទំនាក់ទំនងបានពី លោកវេជ្ជបណ្ឌិត ក្រុស សារ៉ាត ដើម្បីសាកសួរបន្ថែមជុំវិញបញ្ហានេះ៕