«តើខ្ញុំមានសាក់លើខ្លួន ជារឿងខុសណាស់មែនទេ?» នេះជាសំនួរចាក់ដោតមួយដែលតារាហ្វេសប៊ុក និងជា Youtuber ដ៏ល្បីមួយរូប លោក Athika បានលើកចេញជាប្រធានបទនៅក្នុងវីដេអូថ្មីនិងចុងក្រោយដែលលោកបានបង្ហោះតាមរយៈ Facebook Page របស់លោក។
សូមចុចអាន ប្រកែកលែងរួច អ្នកស៊ើបអង្កេតហ្វេសប៊ុក បង្ហាញភស្តុតាង អេដវីន-រ៉ូស ស៊ីចុកគ្នាមែន?
នៅក្នុងវីដេអូមានរយៈពេលប្រមាណជាង ១១ នាទី ដែលលោក Athika បានធ្វើការបង្ហោះកាលពីរាត្រីម្សិលមិញនេះ (១៩ មិថុនា ២០២១) គឺជាការបើកដួងចិត្ត អារម្មណ៍ពិតមិនធ្លាប់និយាយ របស់បុរសដែលមានស្នាមសាក់ច្រើនលើដងខ្លួន។ លោក Athika បានរៀបរាប់ពីបញ្ហាមួយចំនួនដែលលោកត្រូវឆ្លងកាត់ ព្រោះតែមជ្ឈដ្ឋានមហាជន នៅមិនទាន់ទទួលស្គាល់ និង វាយតម្លៃទាបទៅលើមនុស្សដែលមានស្នាមសាក់ច្រើនលើដងខ្លួន ឬអាចនិយាយបានម្យ៉ាងទៀតថាមនុស្សដែលមានស្នាមសាក់លើខ្លួន ត្រូវបានគេចាត់ទុកថាជាមនុស្សពាល ជនក្រៅសង្គម ជាដើម។ល។
អ្វីដែលគួរឱ្យចាប់អារម្មណ៍ខ្លាំងមួយដែរក្នុងចំណោមរឿងរ៉ាវដ៏គួរឱ្យចាប់អារម្មណ៍ដែលលោកបានបរិយាយនៅក្នុងវីដេអូនោះ គឺលោកបានលើកឡើងថា៖ «តែដោយសារខ្ញុំស្នាមសាក់ បងប្អូនខ្លះគាត់ទទួលយកអត់ទាន់បាន អ៊ីចឹង ទោះខ្ញុំធ្វើកំប្លែង ធ្វើអប់រំ ធ្វើអ្វីក៏ដោយ Auto ខុសហ្មង គឺ ដកដង្ហើមក៏ខុស មិនបាច់ធ្វើអ្វីទេ គ្រាន់តែដកដង្ហើមក៏ខុសដែរ….»។
នៅជិតនាទីចុងក្រោយក្នុងវីដេអូឃ្លីបនោះដែរ Athika បានសំណូមពរចំពោះអ្នកដែលមានការរើសអើងចំពោះអ្នកមានស្នាមសាក់ក្នុងខ្លួនឱ្យកាត់បន្ថយឱ្យកាន់តែតិចជាងមុន ឬគ្មានការរើសអើងលើការសាក់នេះតែម្ដង ដើម្បីកុំឱ្យការរើសអើងមួយនេះក្លាយទៅជាដំបៅមហារីក។
យ៉ាងណាមិញនេះចំណុចខាងលើនេះគ្រាន់តែសម្រង់សម្ដីដែលត្រយងបានធ្វើការដកស្រង់ចេញពី វីដេអូដែល Athika បានបង្ហោះរៀបរាប់ប៉ុណ្ណោះ។ ចង់ដឹងអត្ថន័យលម្អិតសូម ចុចទស្សនាវីដេអូទាំងមូលដូចខាងក្រោមនេះ៖