ក្រុមហ៊ុន Grab នៅប្រទេសហ្វីលីពីនបានប្រកាសថាខ្លួនបានព្យួរជើងដៃគូដឹកជញ្ជូនដែលមានពាក់ព័ន្ធនឹងការផុសលើបណ្ដាញសង្គមពាក់ព័ន្ធនឹងការវាយប្រហារលើក្រុមចម្រៀងបុរសកូរ៉េដ៏ល្បីល្បាញ BTS។
សូមចុចអាន សន្លប់ឈរ ដឹងតម្លៃកាដូខួបកំណើត Fan ទិញឱ្យ Idol ៨រូបនេះរួច!
នៅក្នុងសេចក្ដីប្រកាសនោះបានឱ្យដឹងថា «ការរួបរួមតែមួយគឺជាគុណតម្លៃរបស់ក្រុមហ៊ុន Grab ហើយយើងក៏មានគោលនយោបាយមិនអត់ទោសឱ្យចំពោះអាកប្បកិរិយាឆ្គាំឆ្គងណាមួយនោះឡើយ»
«យើងបានធ្វើការព្យួរដៃគូដឹកជញ្ជូនដែលស្ថិតក្នុងការសង្ស័យ ហើយយើងនឹងបន្ដធ្វើការយ៉ាងម៉ត់ចត់ដើម្បីទ្រទ្រង់ឱ្យបាននូវ
ការងារជារួមមួយនៅលើ Platform ជាច្រើនទៀត» នេះជាការលើកឡើងពីសំណាក់ក្រុមហ៊ុន Grab ហ្វីលីពីន។
សេចក្ដីប្រកាសនេះបានធ្វើឡើងក្រោយក្រុមអ្នកគាំទ្រ BTS ដែលត្រូវបានគេស្គាល់ថា ARMY បានធ្វើការទាមទារទៅកាន់ក្រុមហ៊ុន Grab ក្រោយពីរូបភាព ScreenShot ដែលក្រុមអ្នកដឹកជញ្ជូនរបស់ Grab បានធ្វើការលេងសើចចំពោះក្រុមកូរ៉េជាទីស្រលាញ់របស់ពួកគេលើបណ្ដាញសង្គម។
ក្រុមអ្នកដឹកជញ្ជូន Grab បានហៅក្រុមចម្រៀង K-POP កូរ៉េ BTS ថា «Biot» ឬ «Bayot» ដែលមានន័យថាជា Gay (ខ្ទើយ)។
យ៉ាងណាមិញក្រុមហ៊ុនផ្ដល់សេវាដឹកជញ្ជូនមួយនេះបានស្នើសុំឱ្យមតិសាធារណជន កុំវាយតម្លៃចំពោះបុគ្គលិកដឹកជញ្ជូនរបស់ខ្លួនជារួម។
«ក្រុមអ្នកដឹកជញ្ជូនរបស់ក្រុមហ៊ុនយើងបានព្យាយាមផ្ដល់នូវសេវាកម្មដ៏ល្អពិសេសសម្រាប់អតិថិជនគ្រប់ពេលត្រូវការ។ ក្រុមហ៊ុនសង្ឃឹមថា អតិថិជនរបស់យើងនឹងយកសកម្មភាពរបស់បុគ្គលពីរបីនាក់ មកធ្វើឱ្យប៉ះពាល់ដល់បុគ្គលិកដឹកជញ្ជូនដែលពឹងផ្អែកលើGrab ដើម្បីចិញ្ចឹមគ្រួសាររបស់ពួកគាត់ឡើយ» នេះគឺជាការលើកឡើងរបស់ក្រុមហ៊ុន Grab ។
ប្រភព៖ PhilStar