ក្រុមចម្រៀងនារីកូរ៉េខាងត្បូង Blackpink ត្រៀមបញ្ចេញភាពយន្តឯកសារដែលមានឈ្មោះថា «Blackpink: The Movie» ដើម្បីអបអរសាទរខួប៥ឆ្នាំនៃការបង្កើតក្រុមមួយនេះឡើង។
សូមចុចអាន WangTalu គឺជាអ្នកគាំទ្រផ្កាប់មុខរបស់តារាចម្រៀង K-POP Lisa Blackpink?
យោងតាមវែបសាយ Soompi ផលិតកម្ម YG Entertainment បានបញ្ចេញព័ត៌មានកាលពីថ្ងៃពុធ ទី១៦ ខែមិថុនា ថាភាពយន្តនោះមានបទចម្រៀងចំនួន ៥បទ ដកស្រង់ចេញពីការប្រគំតន្ត្រីបែបអនឡាញ និង In Your Area World Tour ដែលជាការប្រគំតន្ត្រីលក្ខណៈទេសចរណ៍របស់ក្រុមចម្រៀងនេះ។
បន្ថែមពីនោះទៀត Blackpink: The Movie នឹងរួមបញ្ចូលនូវអនុស្សាវរីយ៍ជាច្រើនក្នុងកំឡុងពេល៥ឆ្នាំ ចាប់តាំងពីប្រឡូកក្នុងសិល្បៈ ដោយក្នុងនោះនឹងផ្ដោតជាសំខាន់លើបុគ្គលិកលក្ខណៈរបស់សមាជិកនិមួយៗ ថែមទាំងមានការសម្ភាសពិសេសសម្រាប់អ្នកគាំទ្រទស្សនាកម្សាន្តថែមទៀតផង។
BLACKPINK: THE MOVIE នឹងត្រូវបញ្ចាំងនៅជាងមួយរយប្រទេស (១០០+) នៅទូទាំងពិភពលោកនៅក្នុងខែសីហា។ សម្រាប់ភាពយន្តនេះស្ថិតក្នុងផ្នែកមួយនៃ Project «4+1 Project» ដែលមានសកម្មភាពជាច្រើនដើម្បីអបអរសាទរដល់ខួបអនុស្សាវរីយ៍៥ឆ្នាំនៃការបង្កើតក្រុមចម្រៀងនារីដ៏មានឥទ្ធិពលមួយនេះ។
នៅក្នុងខែ មិថុនានេះ ក្រៅពីចេញ MOVIE ខួប៥ឆ្នាំ ក្រុមចម្រៀង Blackpink ក៏បានរៀបចំចាត់ចែងកម្មវិធីជួបជុំក្រុមអ្នកគាំទ្រតាមរយៈអនឡាញជាមួយនឹងអ្នកគាំទ្រជនជាតិហ្វីលីពីន កាលពីថ្ងៃទី១៨ ខែមិថុនាកន្លងទៅ៕