សមាគមកីឡាបាល់ទាត់ថៃ (FAT) បានបញ្ជាក់កាលពីពេលថ្មីៗនេះថា ក្រុមកិឡាករបាល់ទាត់ជម្រើសជាតិរបស់ខ្លួននឹងធ្វើដំណើរទៅកាន់ទ្វីបអឺរ៉ុបដើម្បីប្រកួតមិត្តភាពអន្តរជាតិចំនួន ២លើកជាមួយប្រទេសហ្សកហ្ស៊ី និង អេស្តូនី ក្នុងអំឡុងខែតុលា នៅក្នុងទិវា FIFA Day នៅទ្វីបអឺរ៉ុប។
ពេលវេលានៃការប្រកួតមានដូចខាងក្រោម៖
- ថ្ងៃទី១២ ខែតុលា ឆ្នាំ២០២៣ ក្រុមជម្រើសជាតិថៃ ជួប ក្រុមជម្រើសជាតិសហ្សកហ្ស៊ី នៅទីក្រុង Tbilisi ប្រទេស Georgia
- ថ្ងៃទី១៧ ខែតុលា ឆ្នាំ២០២៣ ក្រុមជម្រើសជាតិថៃ ជួប ក្រុមជម្រើសជាតិអេស្តូនី នៅកីឡដ្ឋាន Le Coq Arena ប្រទេស Estonia
ប្រទេសហ្សកហ្ស៊ីបច្ចុប្បន្នស្ថិតក្នុងចំណាត់ថ្នាក់ទី៧៨ ខណៈអេស្តូនីស្ថិតនៅលេខរៀង១០៩ ក្នុងតារាង FIFA Ranking។
ខណ:កាលពីពេលថ្មីៗនេះក្រុមថៃបានក្លាយជាក្រុមឈ្នះជើងឯកពានរង្វាន់បុរសប្រចាំតំបន់អាស៊ាន ឆ្នាំ២០២២ និងច្រើនជាងគេរហូតដល់ទៅ៧លើក (១៩៩៦,២០០០,២០០២,២០១៤,២០១៦,២០២០,២០២២) ហើយសិង្ហបុរី ឈ្នះបាន៤លើក (១៩៩៨,២០០៤,២០០៧,២០១២) វៀតណាម ឈ្នះ២លើក (២០០៨,២០១៨) និងម៉ាឡេស៊ី ឈ្នះបាន១លើក (២០១០)។ រីឯក្រុមឥណ្ឌូណេស៊ី ឡើងវគ្គផ្ដាច់ព្រ័ត្រសរុប៦លើក តែបរាជ័យរហូត៕