MAI DAVIKA តារាសម្ដែងស្រីដ៏ល្បីឈ្មោះទាំងក្នុងប្រទេសថៃ និងក្រៅប្រទេសបានបង្ហាញរូបថតក្នុងឈុតបញ្ចប់ថ្នាក់អនុបណ្ឌិត ក្រោយបញ្ចប់ការសិក្សាស្រវ៉ា បានសញ្ញាប័ត្រអនុបណ្ឌិត នាពេលថ្មីៗនេះ។
សូមចុចអាន Covid-19៖ អាជីវកម្មសល់ត្រឹមដង្ហើមចង្រិតទប់លែងឈ្នះ តារាថៃ៥រូបនេះសម្រេចចិត្តបិទទ្វារ!
ថ្វីបើជាតារាសម្ដែងស្រីដែលមានជោគជ័យខ្លាំងក្នុងវិស័យសម្ដែង ទាំងភាពយន្ត និងភាពយន្តភាគ តែស្រីស្រស់ MAI មិនដែលបោះបង់ចោលការសិក្សានោះឡើយ ព្រោះក្រោយពីបានបញ្ចប់ការសិក្សាបរិញ្ញាបត្រផ្នែកនីតិសាស្ត្រ នៅមហាវិទ្យាល័យ រ៉ាំងស៊ីត ជំនាញអន្តរជាតិ សមីខ្លួនបានសម្ងំរៀនបន្តថ្នាក់អនុបណ្ឌិត ទោះជាមានការងារក្នុងវិស័យសម្ដែងរុំខ្លួនណែនយ៉ោងណាក្ដី។
ថ្មីៗនេះ ពោលគឺកាលពីថ្ងៃទី២៥ ខែមិថុនា ស្រីស្អាត MAI DAVIKA ទទួលបានសញ្ញាបត្រអនុបណ្ឌិត ពីមហាវិទ្យាល័យ រ៉ាំងស៊ីត ផ្នែកនីតិសាស្ត្រ ដោយកញ្ញាបានផុសលើបណ្ដាញសង្គម IG ព្រមជាមួួយនឹងសំណេរខ្លីថា «ដាវិ ជាអនុបណ្ឌិតហើយណា»។
ក្រោយសំណេរខ្លីរបស់តារាស្រីម្ចាស់ស្នេហ៍កំលោះ Ter Chantavit បានបង្ហោះចែករំលែកដំណឹងរីករាយលើ Social Media ក៏មានអ្នកគាំទ្រនិង មិត្តភក្ដិជាច្រើនបានចូលមក Comment អបអរនិងសរសើរថា ថតរូបជាមួយនឹងឈុតបញ្ចប់ការសិក្សាបានស្អាតបំផុត។