ប្រទេសថៃ៖ រឿងរ៉ាវបុរសជនជាតិថៃ យកសំបុត្រអាពាហ៍ពិពាហ៍សាក់លើដៃរបស់គាត់ កំពុងតែល្បីល្បាញខ្លាំងពិសេសលើបណ្ដាញសង្គមហ្វេសប៊ុក ដោយអ្នកស្រី OM-Aim Daraployphan បានចែករំលែករូបថតជាច្រើនសន្លឹកដែលប្ដីអ្នកស្រីបានសាក់សំបុត្រអាពាហ៍ពិពាហ៍របស់អ្នកទាំងពីរនៅលើដៃ។
គូស្នេហ៍រស់នៅតំបន់ ហួហិន ប្រទេសថៃ ខាងលើបានធ្វើឱ្យមានការចាប់អារម្មណ៍ខ្លាំងលើបណ្ដាយសង្កម ដោយសារតែស្វាមីមានចិត្តចង់សាក់រូបភាពសំបុត្រអាពាហ៍ពិពាហ៍នៅដៃខាងស្ដាំរបស់ខ្លួន ដើម្បីបង្ហាញសេចក្ដីស្រលាញ់ចំពោះភរិយា និង បញ្ជាក់ឱ្យដទៃបានដឹងថាខ្លួនមានភរិយារួចហើយ។
ទឹកចិត្តរបស់បុរសរូបនេះធ្វើឱ្យ ឧត្តម ភរិយា និង មិត្តភក្តិរបស់លោករីករាយព្រមទាំងកោតសរសើរចំពោះការគិតឃើញរបស់លោក ថែមទាំងមានស្ត្រីជាច្រើនបានបញ្ចេញនូវការយល់ឃើញថា ចង់ឱ្យស្វាមីនៅផ្ទះអនុវត្តតាម នឹងលែងមានបញ្ហាបែកចិត្តបែកថ្លើមគ្នា។
លោក Geng បានឱ្យដឹងថាលោកជាមនុស្សម្នាក់ចូលចិត្តសាក់ស្រាប់ហើយ ដូច្នេះពេលលោកមើលលើអ៊ិនធឺណិតឃើញមានមនុស្សសាក់សំបុត្រអាពាហ៍ពិពាហ៍ធ្វើឱ្យលោកមានចិត្តចង់សាក់សំបុត្រអាពាហ៍ពិពាហ៍ខ្លួនឯងនិងភរិយា ដើម្បីបង្ហាញសេចក្ដីស្រលាញ់ និង ជានិមិត្តរូបនៃស្នេហារបស់លោកនិងភរិយា ជាពិសេសដើម្បីដាស់តឿនចិត្តពេលណាដែលឈ្លោះប្រកែកគ្នា ពេលសម្លឹងឃើញស្នាមសាក់ នឹងជួយរំលឹកឱ្យនឹកដល់ថ្ងៃដំបូងដែលស្រលាញ់គ្នា ដាស់តឿនចិត្តឱ្យធ្វើគ្រប់យ៉ាងឱ្យត្រលប់ទៅល្អប្រសើរដូចថ្ងៃដំបូង។ លោកជ្រើសរើសសាក់លើដៃខាងស្ដាំព្រោះជាអវយវៈនៅក្បែរខ្លួន ប្រៀបដូចជាភរិយារបស់លោក នៅក្បែរលោកគ្រប់ពេល មើលពេលណាក៏ឃើញ។
គូស្វាមីភរិយាទាំងពីរនេះ ភរិយាឈ្មោះ OM-Aim Daraployphan វ័យ ៣១ឆ្នាំ ចំណែកស្វាមីឈ្មោះ Geng Nantawat វ័យ៣៤ឆ្នាំ បើកហាងលក់អាហារនៅហួរហិន ខេត្ត ប្រាជួបគិរីខាន់ បានឱ្យអ្នកសារព័ត៌មានដឹងថា អ្នកទាំងពីរសេពគប់គ្នានិងបានសាងគ្រួសារជាមួយគ្នាជាង៣ឆ្នាំហើយ ដោយអ្នកទាំងពីរបានសម្រេចចិត្តដឹកដៃគ្នាទៅចុះសំបុត្រអាពាហ៍ពិពាហ៍កាលពីថ្ងៃទី ៥ ខែមីនា ឆ្នាំ ២០២០ កន្លងមក។