Influencer ជនជាតិអង់គ្លេស ដែលបានប្រកាសវះកាត់កែមុខមាត់ដើម្បីឱ្យខ្លួនមានរូបរាងមុខមាត់ដូចនឹងជនជាតិកូរ៉េ កំពុងតែរងនូវការគំរាមកំហែងផ្ដាច់ជីវិត ព្រោះតែរូបរាងនិងមុខមាត់ថ្មីរបស់លោក។
សូមចុចអាន នៅកូរ៉េខាងត្បូងតែមួយគត់! McDonald លក់ BTS Meal បានជាង១.២លានឈុត!
Oli London ដែលជា Influencer វះកាត់មុខមាត់របស់ខ្លួនឱ្យដូចទៅនឹងជនជាតិកូរ៉េបានប្រាប់សារព័ត៌មាន TMZ ថាភាពស្អប់ខ្ពើមចំពោះលោកកាន់តែរីកធំឡើង។
«សប្ដាហ៍នេះពិតជារឿងមួយដ៏សែនឆ្កួតលីលាណាស់។ ខ្ញុំទទួលបានសារគំរាមសម្លាប់រាប់ពាន់សារ»។ លោកបានបន្តទៀតថា« ពួកគេបានប្រាប់ខ្ញុំឱ្យសម្លាប់ខ្លួន បើមិនដូច្នោះពួកគេនឹងមករកខ្ញុំ ហើយបាញ់សម្លាប់ខ្ញុំចោល។ និយាយជារួមភាគច្រើនជាការផ្ញើសារបែបនេះ»។
បុរសដែលវះកាត់យកទំរង់មុខឱ្យដូច Jimin តារាចម្រៀង K-POP BTS បាននិយាយថាការវាយប្រហារមកលើរូបលោកពីមួយថ្ងៃទៅមួយថ្ងៃកាន់តែគួរឱ្យខ្លាចខ្លាំងឡើង លោកថែមទាំងស្ដីបន្ទោសដល់ការគំនិតអវិជ្ជមានដែលមានមកលើករូបលោកថែមទៀតផង។
Oli London បានលើកឡើងថាការវះកាត់របស់លោក គឺមិនមានអ្វីខុសគ្នាពីជនជាតិអាស៊ីពីកំណើត ហើយបានធ្វើការវះកាត់កែសម្ផស្សឱ្យមានមុខមាត់ស្រដៀងទៅនឹងជនជាតិអ៊ឺរ៉ុបនោះទេ។
«ធ្វើដំណើរទៅអាស៊ី ធ្វើដំណើរទៅប្រទេសកូរ៉េ ក្នុងចំណោមមនុស្ស៥នាក់ មានម្នាក់បានវះកាត់ភ្នែកដើម្បីឱ្យមានលក្ខណៈដូចជនជាតិអ៊ឺរ៉ុប។ ខ្ញុំមិនខុសពីអ្នកទាំងអស់នោះទេ។ គ្រាន់តែបញ្ច្រាសពីគេប៉ុណ្ណោះ»។